ചെറുതോണി : വാഹനാപകടത്തില്‍ വിദ്യാര്‍ത്ഥിക്ക് ഗുരുതര പരിക്ക്. കരിമ്പന്‍ സ്വദേശി മാങ്കൂട്ടത്തില്‍ സച്ചിന്‍ (18) ആണ് ഗുരുതര പരിക്കേറ്റത്. ഇന്നലെ രാവിലെ 7.30 ന് ചെറുതോണിയിലാണ് സംഭവം. പിന്നാലെ വന്ന ബസിലെ ആളുകള്‍ പരിക്കേറ്റ സച്ചിനെ ഇടുക്കി മെഡിക്കല്‍ കോളേജില്‍ പ്രവേശിപ്പിച്ചെങ്കിലും വിദഗ്ധ ചികിത്സയ്‌ക്കായി തൊടുപുഴയിലെ സ്വകാര്യ ആശുപത്രിയിലേക്ക് മാറ്റി. പൈനാവ് മോഡല്‍ പോളിടെക്‌നിക് വിദ്യാര്‍ത്ഥിയാണ് സച്ചിന്‍. ഓണാഘോഷ പരിപാടികള്‍ക്കായി പൂക്കള്‍ വാങ്ങാന്‍ പോകുന്ന സമയത്താണ് അപകടം. എതിരെ വന്ന ടിപ്പര്‍ ലോറി ബൈക്കിന്റെ അമിത വേഗത കണ്ട് സൈഡ് ചേര്‍ത്ത് നിര്‍ത്താന്‍ ശ്രമിക്കുന്നതിനിടയില്‍ ബൈക്ക് നിയന്ത്രണം വിട്ട് വന്ന് ടിപ്പറില്‍ ഇടിക്കുകയായിരുന്നു. സച്ചിന്റെ താടിയെല്ലിന് സാരമായി പരിക്കേറ്റിട്ടുണ്ട്. പല്ലുകള്‍ തെറിച്ച് റോഡില്‍ വീണ് കിടപ്പുണ്ട്. ഇടുക്കി പോലീസ് എത്തി മേല്‍ നടപടികള്‍ സ്വീകരിച്ചു.
Saturday, November 23, 2024
വാഹനാപകടത്തില്‍ വിദ്യാര്‍ത്ഥിക്ക് ഗുരുതര പരിക്ക്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: