വിഗ്രഹനിമഞ്ജന ഘോഷയാത്ര ഇന്ന്

ഗണേശോത്സവം സമാപനം

തൊടുപുഴ : വിനായക ചതുര്‍ത്ഥിയോടനുബന്ധിച്ച് തൊടുപുഴയില്‍ നടന്നുവരുന്ന ഗണേശോത്സവം ഇന്ന് സമാപിക്കും. ആഗസ്റ്റ് 13ന് ഇടുക്കി ജില്ലാ കളക്ടര്‍ വി. രതീശന്‍ തൊടുപുഴ ശ്രീകൃഷ്ണസ്വാമി ക്ഷേത്രത്തില്‍ ഉദ്ഘാടനം നിര്‍വ്വഹിച്ച് ആരംഭം കുറിച്ച ഗണേശോത്സവം തൊടുപുഴയിലെ 14ല്‍പ്പരം ക്ഷേത്രങ്ങളില്‍ നടന്നുവരുന്നു. ഒരാഴ്ചക്കാലമായി ഗണേശവിഗ്രഹത്തില്‍ ഭക്തജനങ്ങള്‍ പൂജകള്‍ അര്‍പ്പിച്ച് ആരാധിച്ചുവരുന്നു. ഇതിന്റെ സമാപനമാണ് ഇന്ന് നടക്കുന്നത്. താലപ്പൊലിയുടേയും താളമേളങ്ങളുടേയും അകമ്പടിയോടെ വിവിധ ക്ഷേത്രങ്ങളില്‍ നിന്നും ഗണേശ വിഗ്രഹവും വഹിച്ചുകൊണ്ടുള്ള വിഗ്രഹ നിമഞ്ജന ഘോഷയാത്ര തൊടുപുഴ ശ്രീകൃഷ്ണസ്വാമി ക്ഷേത്രത്തില്‍ വൈകിട്ട് 6.30ന് എത്തിച്ചേരുകയും തുടര്‍ന്ന് ആറാട്ട് കടവില്‍ വിഗ്രഹ നിമഞ്ജനവും നടക്കും.