ശാന്തന്‍പാറ(ഇടുക്കി): മാര്‍ക്‌സിറ്റ് പ്രത്യയശാസ്ത്രത്തിന്റെ അടിത്തറ ഇളകുന്നതില്‍ വിറളിപൂണ്ട സിപിഎം ആയുധവുമായി രംഗത്തിറങ്ങിയിരിക്കുകയാണെന്ന് ഹിന്ദുഐക്യവേദി സംസ്ഥാന ജനറല്‍ സെക്രട്ടറി ഇ.എസ് ബിജു അഭിപ്രായപ്പെട്ടു. ശാന്തന്‍പാറ വട്ടപ്പാറയില്‍ സംഘപരിവാര്‍ യോഗത്തിന് നേരെ സിപിഎം നടത്തിയ അക്രമത്തില്‍ പ്രതിഷേധിച്ച് വട്ടപ്പാറയില്‍ നടത്തിയ യോഗത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. ജനാധിപത്യവും തൊഴിലാളിവര്‍ഗ്ഗ സ്‌നേഹവും പറയുന്ന സിപിഎം ഇന്ന് കോര്‍പ്പറേറ്റ് പാര്‍ട്ടി ഓഫ് ഇന്‍ഡ്യ മാഫിയ ആയി മാറിയിരിക്കുകയാണ്. പിന്നാക്കക്കാരെ പോരാളികളും ചാവേറുകളുമായി മാറ്റിയ സിപിഎം അവരെ അവശക്കമ്മ്യൂണിസ്റ്റുകളാക്കി മാറ്റിയിരിക്കുകയാണ്. പാര്‍ട്ടിക്ക് ഇന്ന് തൊഴിലാളികളുടെ ലവിയല്ല മുതലാളിമാരുടെ കിഴിയാണ് വേണ്ടത്. സിപിഎമ്മിന്റെ വഞ്ചന തിരിച്ചറിഞ്ഞ ജനങ്ങള്‍ ദേശീയ പ്രസ്ഥാനങ്ങളിലേക്ക് ചേക്കേറുമ്പോള്‍ കയ്യൂക്ക് കാട്ടി ഭയപ്പെടുത്താന്‍ ശ്രമിക്കുകയാണ്. സിപിഎമ്മിന്റെ മാടമ്പിത്തരത്തിനെ എന്തുവിലകൊടുത്തും നേരിടുമെന്നും ഇ.എസ് ബിജു പറഞ്ഞു. സിപിഎം അക്രമത്തെ അതേ നാണയത്തില്‍ തിരിച്ചടിക്കാനും ഹൈന്ദവ സംഘടനകള്‍ക്ക് കെല്‍പ്പുണ്ടെന്ന് പ്രതിഷേധ യോഗം ഉദ്ഘാടനം ചെയ്ത ഹിന്ദുഐക്യവേദി സംസ്ഥാന കമ്മറ്റിയംഗം സ്വാമി ദേവ ചൈതന്യ പറഞ്ഞു. സമാധാന അന്തരീക്ഷം നിലനിര്‍ത്തുക എന്നത് സംഘപരിവാറിന്റെ മാത്രം കടമയല്ലെന്നും അദ്ദേഹം പറഞ്ഞു. ബിജെപി ജില്ലാ വൈസ് പ്രസിഡന്റ് കെ കുമാര്‍, ഹിന്ദുഐക്യവേദി ജില്ല ജനറല്‍ സെക്രട്ടറി എം.ജി സുഭാഷ് എന്നിവര്‍ പ്രസംഗിച്ചു.
Saturday, November 23, 2024
സിപിഎമ്മിന്റെ അടിത്തറ ഇളകിയപ്പോള്‍ ആയുധവുമായി രംഗത്തിറങ്ങുന്നു; ഇ.എസ് ബിജു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: