വെഞ്ഞാറമൂട്: 285 ലിറ്റര്‍ കോടയും എട്ട്‌ലിറ്റര്‍ ചാരായവുമായി മൂന്ന് പേര്‍പിടിയില്‍. പെരിങ്ങമ്മല പ്ലാമൂട് ചിത്ര വിലാസത്തില്‍ സജികുമാര്‍ (38), കുറുപുഴ വട്ടപ്പന്‍കാട് മാങ്കുഴി കരിയ്‌ക്കകത്ത് പുത്തന്‍വീട്ടില്‍ ചെല്ലപ്പന്‍(45), പാങ്ങോട് മൈലമൂട് വൈഷ്ണവി വിലാസത്തില്‍ ഷാജി(50) എന്നിവരാണ് പിടിയിലായത്. വാമനപുരം എക്‌സൈസ് അധികൃതര്‍ക്ക് ലഭിച്ച രഹസ്യവിവരത്തിന്റെ അടിസ്ഥാനത്തില്‍ നടത്തിയ പരിശോധനയില്‍ സജികുമാറിന്റെ വീട്ടില്‍ നിന്നും കോടയും ചാരായവും സജികുമാറിനെയും സഹായികളായ മറ്റ് രണ്ട് പ്രതികളെയും പിടികൂടി. വാമനപുരം എക്‌സൈസ് ഇന്‍സ്‌പെക്ടര്‍ രാജേന്ദ്രന്‍, പ്രിവന്റീവ് ഓഫീസര്‍മാരായ അശോക്കുമാര്‍, സതീഷ്‌കുമാര്‍,സിവില്‍ എക്‌സൈസ് ഓഫീസര്‍മാരായ നസീര്‍, അഷ്‌റഫ്,സ്‌നേഹേഷ്, ഗിരീഷ്‌കുമാര്‍, സിബികുമാര്‍, പ്രിജിത എന്നിവരുടെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. നെടുമങ്ങാട് കോടതിയില്‍ ഹാജരാക്കിയ പ്രതികളെ റിമാന്റ് ചെയ്തു.
Wednesday, November 20, 2024
285 ലിറ്റര്‍ കോടയും എട്ടുലിറ്റര്‍ ചാരായവുമായി മൂന്ന് പേര്‍ പിടിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: