തിരുവനന്തപുരം: ഗണേശോത്സവ ട്രസ്റ്റ് കമ്മിറ്റിയുടെ ആഭിമുഖ്യത്തില്‍ ആഗസ്റ്റ് മാസം 16 മുതല്‍ 25 വരെ നടക്കുന്ന ഗണേശോത്സവത്തിനായി നിര്‍മാണം പൂര്‍ത്തിയാക്കിയ ഗണേശ വിഗ്രഹങ്ങളുടെ ‘മിഴി തുറക്കല്‍’ ചടങ്ങ് നടന്നു. സെക്രട്ടേറിയറ്റിന് എതിര്‍വശത്തുള്ള ഗണേശോത്സവ സ്വാഗതസംഘം ഓഫീസില്‍ നടന്ന ചടങ്ങ് കെ. മുരളീധരന്‍ എംഎല്‍എ ഉദ്ഘാടനം ചെയ്തു. മേയല്‍ കെ. ചന്ദ്രിക, ഐഎസ്ആര്‍ഒ ചെയര്‍മാന്‍ ഡോ. ജി. മാധവന്‍ നായര്‍, സ്വാമി ഗുരുരത്‌ന ജ്ഞാന തപസ്യ, ട്രസ്റ്റ് കമ്മിറ്റി ചെയര്‍മാന്‍ സുബ്രഹ്മണ്യം കുമാര്‍, നഗരസഭാ പ്രതിപക്ഷ നേതാവ് ജോണ്‍സണ്‍ ജോസഫ്, ട്രസ്റ്റ് മുഖ്യകാര്യദര്‍ശി എം.എസ്. ഭുവനചന്ദ്രന്‍, ആഘോഷ കമ്മിറ്റി ഭാരവാഹികളായ വട്ടിയൂര്‍ക്കാവ് മധുസൂദനന്‍നായര്‍, ശിവജി ജഗന്നാഥന്‍, രാജശേഖരന്‍നായര്‍ (ഉദയസമുദ്ര), ജി. ജയശേഖരന്‍നായര്‍, രാധാകൃഷ്ണന്‍, പ്രസാദ് ഇടപ്പഴിഞ്ഞി, മണക്കാട് രാമചന്ദ്രന്‍, കെ. ബാഹുലേയന്‍നായര്‍ തുടങ്ങിയ പ്രമുഖര്‍ ചടങ്ങില്‍ പങ്കെടുത്തു. മിഴി തുറക്കുന്ന വിഗ്രഹങ്ങള്‍ 15 വരെ സ്വാഗതസംഘം ഓഫീസില്‍ ഭക്തജനങ്ങള്‍ക്ക് സന്ദര്‍ശിക്കുന്നതിനുള്ള സൗകര്യം ഏര്‍പ്പെടുത്തിയിട്ടുണ്ട്.
Monday, December 23, 2024
ഗണേശ വിഗ്രഹങ്ങളുടെ മിഴി തുറന്നു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: