കൊച്ചി: ആഗസ്റ്റ് നാലിന് നടത്തുന്ന ‘റെവ്‌ഫെസ്റ്റി’ല്‍ ആദ്യ ‘മേക്ക് ഇന്‍ ഇന്‍ഡ്യ’ മോഡല്‍ സിബിആര്‍ 650എഫ് അടക്കമുള്ള പുതിയ മോട്ടോര്‍ സൈക്കിളുകള്‍ ഹോണ്ട മോട്ടോര്‍ സൈക്കിള്‍ ആന്റ് സ്‌കൂട്ടേഴ്‌സ് ഇന്ത്യ വിപണിയിലെത്തിക്കും. ദല്‍ഹി, മുംബൈ, ബങ്കളൂരു, ഹൈദരാബാദ്, ചെന്നൈ, കൊല്‍ക്കത്ത, ഇന്‍ഡോര്‍, അഹമ്മദാബാദ് എന്നിവിടങ്ങളിലാണ് ഫെസ്റ്റ്.
യുവാക്കളുടെ കൂട്ടായ്മയായ ‘റെവ്‌ഫെസ്റ്റ്’ ആഘോഷത്തില്‍ 25,000ത്തോളം പേര്‍ പങ്കെടുക്കും. ഇതിന്റെ ഭാഗമായി കൊച്ചി, പൂനെ, ലക്‌നോ, ഭൂവനേശ്വര്‍ എന്നീ നഗരങ്ങളിലെ ഷോറൂമുകളിലും സിബിആര്‍ 650എഫ് സ്വന്തമാക്കാനാഗ്രഹിക്കുന്നവര്‍ക്കായി സംവിധാനമൊരുക്കുമെന്ന് വൈസ് പ്രസിഡന്റ് (മാര്‍ക്കറ്റിങ് ആന്റ് സെയില്‍സ്) വൈഎസ്. ഗുലേറിയ പറഞ്ഞു.
പ്രതികരിക്കാൻ ഇവിടെ എഴുതുക: