എരുമേലി: ഓടിക്കൊണ്ടിരിക്കെ നിയന്ത്രണംവിട്ട കാര്‍ മറിഞ്ഞ് ദമ്പതികള്‍ക്ക് പരിക്ക്. എരുമേലി വെണ്‍കുറിഞ്ഞി സ്വദേശികളായ ആനക്കുഴിയില്‍ മുരളീധരന്‍ (75), ഭാര്യ പൊന്നമ്മ (71) എന്നിവര്‍ക്കാണ് പരിക്കേറ്റത്. ഇന്നലെ രണ്ടുമണിയോടെ എരുമേലി- കാഞ്ഞിരപ്പള്ളി റോഡില്‍ ചെമ്പകത്തുങ്കല്‍ പാലത്തിനു സമീപമാണ് അപകടം. കാഞ്ഞിരപ്പള്ളി ഭാഗത്തേക്ക് പോകുന്നതിനിടെ നിയന്ത്രണംവിട്ട കാര്‍ കയ്യാലയില്‍ ഇടിച്ച് മറിയുകയും എതിരെ വന്ന പിക്കപ് വാനിലിടിക്കുകയുമായിരുന്നുവെന്നും നാട്ടുകാര്‍ പറഞ്ഞു. തലയ്‌ക്ക് പരിക്കേറ്റ ഇവരെ എരുമേലി സിഎച്ച്‌സിയില്‍ പ്രാഥമിക ചികിത്സ നല്‍കി മെഡിക്കല്‍ കോളേജിലേക്ക് കൊണ്ടുപോയി. എരുമേലി പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു.
Wednesday, November 20, 2024
നിയന്ത്രണംവിട്ട കാര്‍ മറിഞ്ഞ് ദമ്പതികള്‍ക്ക് പരിക്ക്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: