വൈക്കം: തോട്ടുവക്കം ചേരുംചുവട് കനാല്‍ റോഡിന് സമീപം കഞ്ചാവ് ഉപയോഗിക്കുന്നതിനിടെ രണ്ട് യുവാക്കളെയും ഒരു വിദ്യാര്‍ത്ഥിയെയും പോലീസ് പിടികൂടി. തോട്ടുവക്കം ഭാഗത്തുള്ള കനാലിന് സമീപം കൂട്ടിയിട്ടിരിക്കുന്ന തടികള്‍ക്ക് മുകളില്‍ യുവാക്കള്‍ താവളമടിച്ച് കഞ്ചാവ് ഉപയോഗിക്കുന്നത് എസ്.ഐ ജെ.എസ് സജീവ്കുമാര്‍ നിരീക്ഷിച്ചുവരികയായിരുന്നു. ചെമ്മനത്തുകര അയ്യാരപ്പള്ളില്‍ ടോം (18), വൈക്കം കൊല്ലംപറമ്പില്‍ രാഹുല്‍ (20), 17 വയസ്സുള്ള വിദ്യാര്‍ത്ഥി എന്നിവരെയാണ് പോലീസ് പിടികൂടിയത്. ഇവരെ കോടതിയില്‍ ഹാജരാക്കി ജാമ്യത്തില്‍വിട്ടു. കഴിഞ്ഞ ദിവസം വൈകുന്നേരം ഇവര്‍ ഇവിടെ കൂടിനില്‍ക്കുന്നത് എസ്.ഐയുടെ ശ്രദ്ധയില്‍പ്പെട്ടിരുന്നു. പിന്നീട് മഫ്ത്തിയില്‍ വന്നാണ് ഇവരെ പിടികൂടുന്നത്. ഇവരെ കൂടുതല്‍ ചോദ്യം ചെയ്തതിന്റെ അടിസ്ഥാനത്തില്‍ ചില നിര്‍ണായക വിവരങ്ങള്‍ പോലീസിന് ലഭിച്ചതായാണ് സൂചന. വരും ദിവസങ്ങളില്‍ കൂടുതല്‍ പേര്‍ കുടുങ്ങിയേക്കും.
Wednesday, November 20, 2024
കഞ്ചാവ് ഉപയോഗിക്കുന്നതിനിടെ യുവാക്കള്‍ പിടിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: