പൊന്‍കുന്നം: പോലീസുകാരന്റെ വീട്ടില്‍ നിന്നും മൊബൈല്‍ ഫോണ്‍ മോഷ്ടിച്ച സംഭവത്തില്‍ ഒരാളെ പോലീസ് അറസ്റ്റ് ചെയ്തു. വാഴൂര്‍ ചാമംപതാല്‍ പനന്താനം കോളനിയില്‍ ഊട്ടുപുരയ്‌ക്കല്‍ അനീഷ് (26) ആണ് പിടിയിലായത്. കഴിഞ്ഞ 30ന് പുലര്‍ച്ചെ ഒരു മണിയോടെ കുട്ടിക്കാനം ക്യാമ്പില്‍ ജോലി ചെയ്യുന്ന ചിറക്കടവ് അരീക്കല്‍ വരുണിന്റെ വീട്ടിലാണ് മോഷണം നടന്നത്. വീടിന്റെ ജനാലയിലൂടെ കൈയിട്ട് രണ്ടു മൊബൈല്‍ ഫോണുകള്‍ മോഷ്ടിക്കുകയായിരുന്നു. വിറ്റ ഒരു മൊബൈല്‍ ഫോണ്‍ മണിമലയിലെ ഒരു മൊബൈല്‍ കടയില്‍ നിന്നും പോലീസ് കണ്ടെടുത്തു. പൊന്‍കുന്നം എസ്.ഐ. സുരേഷ്‌കുമാറിന്റെ നേതൃത്വത്തിലുള്ള പോലീസ് സൈബര്‍ സെല്ലിന്റെ സഹായത്തോടെയാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.
Wednesday, November 20, 2024
പോലീസുകാരന്റെ വീട്ടില്‍ മോഷണം: ഒരാള്‍ പിടിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: