മുണ്ടക്കയം ഈസ്റ്റ്: കഞ്ചാവ് വില്‍പ്പനക്കെത്തിയ യുവാവിനെ വെയിറ്റിങ്‌ഷെഡ്ഡില്‍ നിന്നും പിടികൂടി.പെരുവന്താനം,കൊടികുത്തി,അറക്കല്‍ പറമ്പില്‍ സിജു (37)നെയാണ് പെരുവന്താനം എസ്.ഐ.എസ്.സെയ്ഫുദീന്റെ നേതൃത്വത്തില്‍ പൊലീസ് പിടികൂടിയത്.ചൊവ്വാഴ്ച വൈകിട്ട് ഏഴുമണിയോടെ പെരുവന്താനം ടൗണ്‍ വെയിറ്റിങ്‌ഷെഡ്ഡില്‍ വച്ചായിരുന്നു അറസ്റ്റ്. സംസ്ഥാന വ്യാപകമായി കഞ്ചാവു വില്‍പ്പന നടത്തുന്ന സംഘത്തിലെ പ്രധാന കണ്ണിയായ സിജു പെരുവന്താനത്തും പരിസര പ്രദേശങ്ങളിലും വിദ്യാര്‍ത്ഥികള്‍ക്കും യുവാക്കള്‍ക്കും കഞ്ചാവ് എത്തിച്ചു നല്‍കിയിരുന്നതായി ലഭിച്ച രഹസ്യവിവരത്തെ തുടര്‍ന്നു നടത്തിയ തെരച്ചിലിലാണ് വില്‍പ്പനക്കുളള കഞ്ചാവുമായി ഇയാളെ പിടികൂടിയത്.പൊതികളിലാക്കിയ കഞ്ചാവ് മുണ്ടിന്റെ മടിക്കുത്തില്‍ സൂക്ഷിച്ച നിലയിലായിരുന്നു. എസ്‌സിപിഒമാരായ ജോസ് മാത്യു, ടി.എസ്. സെമിന്‍മോന്‍, എം.ആര്‍.സതീഷ് എന്നിവരും അറസ്റ്റിനുണ്ടായിരുന്നു.
Wednesday, November 20, 2024
കഞ്ചാവ് വില്‍പ്പന: യുവാവ് പിടിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: