ന്യൂദല്ഹി: ലഹരി മരുന്നുപയോഗം തടയുന്നതിനുള്ള ദേശീയ നയത്തിന് രൂപം നല്കുമെന്ന് കേന്ദ്ര സാമൂഹ്യനീതി ശാക്തീകരണ മന്ത്രി ധാവാര് ചന്ദ് ഗെലോട്ട് അറിയിച്ചു. ലഹരി വസ്തുക്കളുടെ ഉപയോഗം മൂലമുണ്ടാകുന്ന വിപത്തുകളെക്കുറിച്ചും അവയുടെ ഉപയോഗം തടയുന്നതിനുള്ള മാര്ഗ്ഗങ്ങളെക്കുറിച്ചും കുട്ടികള്ക്കും ചെറുപ്പക്കാര്ക്കും നിരന്തരമായി അറിവ് പകരുന്നതിന് ഊന്നല് നല്കുന്നതായിരിക്കും നയമെന്ന് അദ്ദേഹം വ്യക്തമാക്കി. അന്താരാഷ്ട്ര മയക്കുമരുന്ന് വിമുക്ത ദിനാചരണത്തോടനുബന്ധിച്ച് ദല്ഹിയില് നടന്ന ചടങ്ങില് സംസാരിക്കുകയായിരുന്നു കേന്ദ്രമന്ത്രി.
പഞ്ചാബില് 28 പുതിയ ലഹരി വിമുക്ത കേന്ദ്രങ്ങള് കൂടിതുടങ്ങാന് കേന്ദ്ര സര്ക്കാര് അനുമതി നല്കിയതായി ഗെലോട്ട് അറിയിച്ചു. ലഹരി വസ്തുക്കളുടെ വ്യാപനം ഏറ്റവും കൂടുതലുള്ള സംസ്ഥാനമെന്ന നിലയ്ക്ക് പഞ്ചാബിന്റെ കാര്യത്തില് പ്രത്യേക ശ്രദ്ധ ആവശ്യമാണെന്ന് അദ്ദേഹം പറഞ്ഞു.
