കാത്തിരുപ്പ്

പ്രിയനുടെ വാര്‍ത്തകള്‍ കേള്‍ക്കുവാന്‍ ഞാനന്നു

പൂന്തോട്ടത്തിലിരുന്നു.

ദൂതുമായ് വന്നുനീ,സ്വര്‍ണ്ണ വര്‍ണ്ണത്തിലെ

ഹംസമേ നീയെന്റെ തോഴന്‍.

കോരിത്തരിപ്പോടെ രാജകുമാരന്റെ-

കൗതുകമേറുന്ന വാര്‍ത്തകേട്ടു.

നൃത്തച്ചുവടു പോല്‍ പാറിയെത്തീടുന്ന

നീയല്ലേ എന്റെ വെളിച്ചം.

ഓരോദിനത്തിലും നീയെത്തും നേരത്തു

ഹൃദയത്തുടിപ്പുമായ് ഞാനിരുന്നു.

കൊട്ടാരച്ചുറ്റിലെ ജാലക വാതിലില്‍

ചാരിനിന്നീടുമ്പോള്‍ നിന്നുടെ നിഴലാട്ടം കണ്ടു.

ഒക്കെയും തോന്നലായ് തീരാതിരിക്കുവാന്‍

ദൈവമേ നീ എന്നില്‍ കനിയൂ.