കായംകുളം: കഞ്ചാവ് വില്‍പ്പനയും ഉപയോഗത്തെക്കുറിച്ചും പോലീസില്‍ പരാതി നല്‍കിയതിന് എരുവ വലിയവീട്ടില്‍ കിഴക്കതില്‍ സുജിത്തിനെ തട്ടിക്കൊണ്ടുപോയി ക്രൂരമായി മര്‍ദ്ദിച്ച ശേഷം വഴിയില്‍ ഉപേക്ഷിച്ച സംഭവത്തിലെ പ്രധാന പ്രതി പിടിയില്‍. കായംകുളം രണ്ടാംകുറ്റി ബിസ്മിനാ മന്‍സില്‍ ബുനാഷ്ഖാനാ (27)ണ് പോലീസ് പിടിയിലായത്. ഇയാളെ കഴിഞ്ഞ ദിവസം രാത്രി മാവേലിക്കരയിലുള്ള ആളൊഴിഞ്ഞ വീട്ടില്‍ നിന്ന് കായംകുളം സിഐ ഉദയഭാനുവിന്റെ നേതൃത്വത്തിലുള്ള സംഘമാണ് കസ്റ്റഡിയിലെടുത്തത്.
കഴിഞ്ഞ മാസം 28ന് രാവിലെ എരുവയില്‍ നിന്ന് സുഹൃത്തിനൊപ്പം കായംകുളം ഭാഗത്തേക്ക് വരുമ്പോഴാണ് പെരിങ്ങാല എല്‍പി സ്‌കൂളിന് സമീപം ബുനാഷ്ഖാന്റെ നേതൃത്വത്തിലുള്ള കഞ്ചാവ് ലോബി സുജിത്തിനെ ബൈക്കില്‍ കടത്തികൊണ്ടുപോയി കരീലകുളങ്ങരയിലെ ആളൊഴിഞ്ഞ പ്രദേശത്ത് എത്തിച്ച് ക്രൂരമായി മര്‍ദ്ദിച്ചത്.
പ്രതികരിക്കാൻ ഇവിടെ എഴുതുക: