എരുമേലി: കള്ളനെ പിടികൂടാനുള്ള ശ്രമത്തിനിടെ കുഴിയില്‍വീണ് വീട്ടുടമസ്ഥന് പരിക്കേറ്റു. അര്‍ദ്ധരാത്രിയില്‍ വീട്ടില്‍ കയറിയ കള്ളനെ പിടികൂടാനുള്ള ശ്രമത്തിനിടെയാണ് വീട്ടുടമസ്ഥന് കുഴിയില്‍ വീണത്. കഴിഞ്ഞ ദിവസം പമ്പാവാലി മൂലക്കയം മേഖലയിലാണ് സംഭവം.
രാത്രിയില്‍ കള്ളന്‍ വീട്ടില്‍ കയറിവരുന്നതും കള്ളന്റെ നീക്കങ്ങളും ശ്രദ്ധിച്ചിരുന്ന വീട്ടുടമസ്ഥന് കള്ളനെ പിടിക്കാന്‍ ശ്രമിക്കുകയായിരുന്നു. വീട്ടുടമസ്ഥനെ കണ്ട കള്ളന്‍ ഓടി. പിറകേ ഓടുന്നതിനിടെ റബര്‍തോട്ടത്തിലെ കുഴിയില്‍ വീട്ടുടമസ്ഥന് വീഴുകയായിരുന്നു. കാലിന് സാരമായി പരിക്കേറ്റ വീട്ടുടമസ്ഥന് കോട്ടയം മെഡിക്കല്‍ കോളേജില്‍ ചികിത്സ തേടി. കള്ളന്മാരുടെ ശല്യം വര്‍ദ്ധിച്ചുവരുന്നതായും നാട്ടുകാര്‍ പറഞ്ഞു.
പ്രതികരിക്കാൻ ഇവിടെ എഴുതുക: