പോലീസിനെ വെട്ടിച്ചുപാഞ്ഞ കാര്‍
മിനിലോറിയില്‍ ഇടിച്ച് നാലുപേര്‍ക്ക് പരിക്ക്
പൊന്‍കുന്നം: നിര്‍ത്തിയിട്ടിരുന്ന മിനിലോറിയില്‍ മാരുതികാര്‍ ഇടിച്ച് 4 പേര്‍ക്ക് പരിക്ക്. മിനിലോറിയില്‍ ഉണ്ടായിരുന്ന വാകത്താനം സ്വദേശി ബേബി(52), കാര്‍ യാത്രികരായ സുരേഷ്, തോമസ്, സുനില്‍ എന്നിവര്‍ക്കാണ് പരിക്കേറ്റത്.
ദേശീയപാത 183ല്‍ പൊന്‍കുന്നം മാര്‍ക്കറ്റിന് മുന്‍വശത്ത് ഇന്നലെ ഉച്ചകഴിഞ്ഞ് 1.30നായിരുന്നു അപകടം. കാഞ്ഞിരപ്പള്ളി ഭാഗത്തുനിന്നും വരികയായിരുന്ന മാരുതികാര്‍ വാഹനപരിശോധനയ്‌ക്കായി പോലീസ് കൈകാണിച്ചപ്പോള്‍ നിര്‍ത്താതെ അമിതവേഗത്തില്‍ പോകുമ്പോഴാണ് അപകടം. മാര്‍ക്കറ്റിന് മുന്‍വശം വ്യാപാരസ്ഥാപനത്തിലേക്കുള്ള ചരക്ക് ഇറക്കുകയായിരുന്ന മിനിലോറിയിലാണ് മാരുതികാര്‍ ഇടിച്ചത്. ലോറിയുടെ മുകളില്‍ ഉണ്ടായിരുന്ന ബേബി റോഡിലേക്ക് വീണ് നിസാര പരിക്കേറ്റു. പരിക്കേറ്റവരെ കാഞ്ഞിരപ്പള്ളി ജനറല്‍ ആശുപത്രിയില്‍ പ്രവേശിപ്പിച്ചു. കാര്‍ വെട്ടിപ്പൊളിച്ചാണ് പരിക്കേറ്റവരെ പുറത്തെടുത്തത്. പൊന്‍കുന്നം പോലീസ് കേസെടുത്തു.
പ്രതികരിക്കാൻ ഇവിടെ എഴുതുക: