സ്റ്റുഡന്റ്‌സ് പോലീസ് കേഡറ്റ് ജില്ലാതല സമ്മര്‍ ക്യാമ്പ് മെയ് 11 മുതല്‍

ആലപ്പുഴ: സ്റ്റുഡന്റ്‌സ് പോലീസ് കേഡറ്റിന്റെ (എസ്പിസി) ജില്ലാതല സമ്മര്‍ ക്യാമ്പ് ‘വേനല്‍ മഴ-2015’ മെയ് 11 മുതല്‍ 15 വരെ കണിച്ചുകുളങ്ങര ഗേള്‍സ് സ്‌കൂളില്‍ നടക്കും. ജില്ലയിലെ വിവിധ സ്‌കൂളുകളില്‍ നിന്ന് 800 കേഡറ്റുകളും നൂറോളം അധ്യാപകരും പോലീസുദ്യോഗസ്ഥരും പങ്കെടുക്കും. 11ന് രാവിലെ 9.30ന് തോമസ് ഐസക്ക് എംഎല്‍എ ക്യാമ്പ് ഉദ്ഘാടനം ചെയ്യും. ജില്ലാ പോലീസ് മേധാവി വി. സുരേഷ് കുമാര്‍ അദ്ധ്യക്ഷത വഹിക്കും. എസ്പിസി പ്രവര്‍ത്തനത്തിന്റെ രണ്ടാംവര്‍ഷ പരിശീലനം പൂര്‍ത്തിയാക്കിയ, തെരഞ്ഞെടുക്കപ്പെട്ട കേഡറ്റുകളാണ് ക്യാമ്പില്‍ പങ്കെടുക്കുന്നത്. പരിശീലനം പൂര്‍ത്തിയാക്കിയ കേഡറ്റുകളുടെ പാസിങ് ഔട്ട് പരേഡ് സമാപന ദിവസമായ 15ന് രാവിലെ 7.30ന് ആലപ്പുഴ പോലീസ് പരേഡ് ഗ്രൗണ്ടില്‍ നടക്കും.