കോട്ടയം: തിരുനക്കര മഹാദേവ ക്ഷേത്രത്തില്‍ പണികഴിപ്പിച്ച അലങ്കാര ഗോപുര സമര്‍പ്പണം ഇന്ന് രാവിലെ 9.15ന് ക്ഷേത്രാങ്കണത്തിലുള്ള ശിവശക്തി ഓഡിറ്റോറിയത്തില്‍ നടക്കും. മന്ത്രി തിരുവഞ്ചൂര്‍ രാധാകൃഷ്ണന്‍ അധ്യക്ഷത വഹിക്കും. ദേവസ്വം ബോര്‍ഡ് പ്രസിഡന്റ് അഡ്വ. എം.പി. ഗോവിന്ദന്‍ നായര്‍ ഉദ്ഘാടനം ചെയ്യും. നവീകരിച്ച ക്ഷേത്ര കാണിക്കമണ്ഡപത്തിന്റെ സമര്‍പ്പണം ബോര്‍ഡ് മെമ്പര്‍ സുഭാഷ് വാസുവും നവീകരിച്ച ക്ഷേത്രക്കുളം സമര്‍പ്പണം ബോര്‍ഡ് മെമ്പറും മുന്‍ എം.എല്‍.എയുമായ പി.കെ. കുമാരനും നിര്‍വ്വഹിക്കും. നഗരസഭാധ്യക്ഷന്‍ കെ.ആര്‍.ജി. വാര്യര്‍, കൗണ്‍സിലര്‍മാരായ ഗോപകുമാര്‍, അനില്‍കുമാര്‍, മുന്‍ എം.എല്‍.എമാരായ പി.കെ. കുമാരന്‍, വി.എന്‍. വാസവന്‍, ഏറ്റുമാനൂര്‍ രാധാകൃഷ്ണന്‍, ദേവസ്വം ബോര്‍ഡ് കമ്മീഷണര്‍ സി.പി. രാമരാജ പ്രേമപ്രസാദ്, ചീഫ് എന്‍ജിനീയര്‍ ജോളി ഉല്ലാസ്, തിരുവാഭരണം കമ്മീഷണര്‍ പി.ആര്‍. അനിത, സെക്രട്ടറി ബാലചന്ദ്രന്‍ നായര്‍, പി.ആര്‍.ഒ മുരളി കോട്ടയ്‌ക്കല്‍ തുടങ്ങിയവര്‍ പങ്കെടുക്കും.
Monday, November 18, 2024
തിരുനക്കര അലങ്കാര ഗോപുര സമര്‍പ്പണം ഇന്ന്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: