കൊച്ചി: യുഡിഎഫ് സര്‍ക്കാരിന്റെ അഴിമതിക്കും ഇടത്-വലത് മുന്നണികളുടെ ഒത്തുതീര്‍പ്പ് രാഷ്‌ട്രീയത്തിനുമെതിരെ കേന്ദ്രസര്‍ക്കാരിന്റെ വികസന സന്ദേശവുമായി ബിജെപി ജില്ലാ പ്രസിഡന്റ് അഡ്വ.പി.ജെ. തോമസ് നയിക്കുന്ന ജില്ലാ രാഷ്‌ട്രീയ പ്രചരണ വാഹനജാഥയ്‌ക്ക് മെയ് 2 ന് എറണാകുളം നിയോജകമണ്ഡലത്തില്‍ സ്വീകരണം നല്‍കും.
മെയ് 2 ന് രാവിലെ 11 ന് എളമക്കര പുന്നയ്‌ക്കല്‍ ജംഗ്ഷന്‍, 11.30 ന് കലൂര്‍ ജംഗ്ഷന്‍, 12 ന് ഹൈക്കോര്‍ട്ട് ജംഗ്ഷന്‍, 12.30 ന് അയ്യപ്പന്‍കാവ്, 1.15 ന് ചേരാനല്ലൂര്‍ വിഷ്ണുപുരം തുടങ്ങിയ സ്ഥലങ്ങളിലാണ് സ്വീകരണം.
തദ്ദേശസ്വയംഭരണ തെരഞ്ഞെടുപ്പ് പ്രവര്‍ത്തനങ്ങളുടെ പ്രാരംഭം കുറിച്ചുകൊണ്ട് കോര്‍പ്പറേഷന്‍ ഡിവിഷന്‍, പഞ്ചായത്ത്, വാര്‍ഡ് തലങ്ങളില്‍ ഇലക്ഷന്‍ മാനേജ്‌മെന്റ് കമ്മറ്റികള്‍ക്ക് രൂപം നല്‍കുന്നതിന് മണ്ഡലം കമ്മറ്റി യോഗം തീരുമാനിച്ചു. എറണാകുളം റസ്റ്റ് ഹൗസില്‍ കൂടിയ ബിജെപി നിയോജക മണ്ഡലം കമ്മറ്റി യോഗത്തില്‍ പ്രസിഡന്റ് കെ.എസ്. സുരേഷ്‌കുമാര്‍ അദ്ധ്യക്ഷത വഹിച്ചു. ജില്ലാ പ്രസിഡന്റ് അഡ്വ.പി.ജെ. തോമസ്, യോഗം ഉദ്ഘാടനം ചെയ്തു. ജില്ലാ വൈസ് പ്രസിഡന്റ് എന്‍.എം. വിജയന്‍, നിയോജകമണ്ഡലം ജനറല്‍ സെക്രട്ടറിമാരായ പ്രകാശ് അയ്യര്‍, പി.ജി. അനില്‍ കുമാര്‍ എന്നിവര്‍ പ്രസംഗിച്ചു.
പ്രതികരിക്കാൻ ഇവിടെ എഴുതുക: