ബാല സുബ്രഹ്മണ്യ ക്ഷേത്രത്തില്‍ കലശോത്സവം തുടങ്ങി

എരമല്ലൂര്‍: പറകുന്നംവെളി ബാലസുബ്രഹ്മണ്യസ്വാമിക്ഷേത്രത്തില്‍ കലശോല്‍സവത്തിന് തുടക്കമായി. 26ന് സമാപിക്കും. ഉപദേവതകള്‍ക്ക് വിശേഷാല്‍പൂജ, വൈകിട്ട് നടന്ന സര്‍വമത സമ്മേളനം കെപിഎംഎസ് സംസ്ഥാന ജനറല്‍സെക്രട്ടറി ബൈജൂ കലാശാല ഉദ്ഘാടനം ചെയ്തു. കെ.ടി.ഹരിദാസ് അധ്യക്ഷത വഹിച്ചു. ഏപ്രില്‍ 22ന് വൈകിട്ട് 6.30ന് താലം വരവ്, ഏഴിന് പള്ളിപ്പുറം പരമേശ്വര കുറുപ്പിന്റെ പ്രഭാഷണം. 23ന് വൈകിട്ട് ആറിന് താലം വരവ്, ഏഴിന്  പ്രഭാഷണം. 24ന് വൈകിട്ട് ഏഴിന് പ്രഭാഷണം. 25ന് രാത്രി ഒന്‍പതിന് നൃത്താഞ്ജലി. പൂയം മഹോല്‍സവമായ 26ന് രാവിലെ മഹാഗണപതി ഹോമം തുടര്‍ന്ന് കെ.എസ്.രതീഷ് തന്ത്രിയുടെ ചക്രമാഹാത്മ്യ സന്ദേശം. മൂന്നിന് കോലത്തുശേരി ക്ഷേത്രത്തില്‍ നിന്നും കാവടി ഘോഷയാത്ര . ഒന്‍പതിന് നാടന്‍ പാട്ട്.