മോഷ്ടിച്ച ബൈക്കുമായി യുവാവ് പിടിയില്‍

ആലപ്പുഴ: മോഷ്ടിച്ച ബൈക്കുമായി യുവാവിനെ സൗത്ത് പോലീസ് പിടികൂടി. മാരാരിക്കുളം തെക്ക് പഞ്ചായത്ത് കാട്ടൂര്‍ കോളേജ് ജങ്ഷന് പടിഞ്ഞാറ് തൈപ്പറമ്പ് വീട്ടില്‍ ഷിബു (കൊച്ചുമോന്‍-29)വാണ് പിടിയിലായത്. ഇയാള്‍ നിലവില്‍ അമ്പലപ്പുഴ ഭാഗത്ത് വാടകയ്‌ക്ക് താമസിക്കുകയാണ്. ഏപ്രില്‍ 21ന് പുലര്‍ച്ചെ രണ്ടിന് കളക്രേ്ടറ്റിന് സമീപത്ത് നിന്നാണ് ഇയാളെ പിടികൂടിയത്. പട്രോളിങ്ങിനിടെ സംശയം തോന്നിയതിനെ തുടര്‍ന്ന് എസ്‌ഐ: സുധീറും സംഘവും കസ്റ്റഡിയിലെടുത്ത് ചോദ്യം ചെയ്തപ്പോഴാണ് മോഷണവിവരം അറിയുന്നത്. കഴിഞ്ഞ 25ന് ഇരുമ്പുപാലത്തിന് സമീപത്തെ അര്‍ക്കേഡിയ ഹോട്ടലിന് സമീപത്ത് നിന്ന് ബൈക്ക് മോഷ്ടിച്ചത് ഇയാളാണെന്ന് തെളിഞ്ഞു. പോലീസുകാരായ ബിനുലാല്‍, സുഭാഷ് എന്നിവരും എസ്‌ഐക്കൊപ്പമുണ്ടായിരുന്നു.