രണ്ടു വാര്‍ഡുകളില്‍ ഉപതെരഞ്ഞെടുപ്പ്

ആലപ്പുഴ: ചേര്‍ത്തല തെക്ക് ഗ്രാമപഞ്ചായത്തിലെ ചമ്പക്കാട്, ബുധനൂര്‍ ഗ്രാമപഞ്ചായത്തിലെ കടമ്പൂര്‍ വാര്‍ഡുകളിലെ ഉപതിരഞ്ഞെടുപ്പിനുള്ള തെരഞ്ഞെടുപ്പുനോട്ടീസ് ഏപ്രില്‍ 30ന് പ്രസിദ്ധീകരിക്കും. നാമനിര്‍ദ്ദേശ പത്രിക സമര്‍പ്പിക്കുന്നതിനുള്ള അവസാന തീയതി മെയ് ഏഴാണ്. സൂക്ഷ്മ പരിശോധന മെയ് എട്ടിനും സ്ഥാനാര്‍ഥിത്വം പിന്‍വലിക്കാനുള്ള അവസാന തീയതി മെയ് 11 മാണ്. വോട്ടെടുപ്പ് മെയ് 26നും വോട്ടെണ്ണല്‍ മെയ് 27നും നടക്കും. തിരഞ്ഞെടുപ്പ് നടപടിക്രമങ്ങള്‍ പൂര്‍ത്തിയാക്കുവാനുള്ള അവസാന തീയതി ജൂണ്‍ 11ഉം തിരഞ്ഞെടുപ്പ് ചെലവ് കണക്ക് സമര്‍പ്പിക്കേണ്ട അവസാന തീയതി ജൂണ്‍ 26 മാണ്.