നീലിമംഗലം ക്ഷേത്രത്തില്‍ ഉത്സവത്തിന് കൊടിയേറി

ചേര്‍ത്തല: നീലിമംഗലം രാജരാജേശ്വരി ക്ഷേത്രത്തിലെ ഉത്സവത്തിന് വളമംഗലം ഉണ്ണിക്കൃഷ്ണന്‍ തന്ത്രിയുടെ മുഖ്യകാര്‍മ്മികത്വത്തില്‍ കൊടിയേറി. മാര്‍ച്ച് 29ന് സമാപിക്കും. മാര്‍ച്ച് 25ന് രാവിലെ 8.30ന് തൃത്താലി ചാര്‍ത്ത്, രാത്രി 7.30ന് ദേവഗാനാമൃതം. 26ന് രാവിലെ 11.30ന് ഗുരുദേവന് കലശാഭിഷേകം, രാത്രി 7.15ന് നൃത്തനൃത്യങ്ങള്‍. 27ന് രാത്രി എട്ടിന് വെറൈറ്റി ഡാന്‍സ്. 28ന് രാത്രി ഒമ്പതിന് നൃത്തസംഗീതനാടകം, 11 ന് പള്ളിവേട്ട. 29ന് രാത്രി 11ന് നാടകം, ഒന്നിന് ആറാട്ട് പുറപ്പാട്, മൂന്നിന് ആറാട്ട് വരവ് എന്നിവ നടക്കും.