അമ്പലപ്പുഴ: അമ്പലപ്പുഴ ക്ഷേത്രത്തിന് കിഴക്കേ നടയിലെ പി.എന്‍. പണിക്കര്‍ സ്മാരക ഗവ. എല്‍പി സ്‌കൂളില്‍ സാമൂഹ്യവിരുദ്ധര്‍ അഴിഞ്ഞാടി. ചെടിച്ചട്ടികളും കുടിവെള്ള പൈപ്പുകളും അടിച്ചു തകര്‍ത്തു. സ്‌കൂളിന് മുന്നിലെ കൊടിമരത്തിന് ചുറ്റുമിരുന്ന ചെടിച്ചട്ടികളും കുട്ടികള്‍ കൈകഴുകുന്ന ഭാഗത്തെ പൈപ്പുകളും കഞ്ഞി വയ്‌ക്കുന്ന മുറിയിലെ പൈപ്പുകളുമാണ് അടിച്ചു തകര്‍ത്തത്.
മാര്‍ച്ച് 18ന് രാവിലെ സ്‌കൂളിലെത്തിയ അദ്ധ്യാപകരാണ് അക്രമ വിവരം ആദ്യം അറിയുന്നത്. മൂന്നാം തവണയാണ് സാമൂഹ്യവിരുദ്ധര്‍ സ്‌കൂളിന് നേരെ അക്രമം നടത്തുന്നതെന്ന് അദ്ധ്യാപകര്‍ പറഞ്ഞു. സ്‌കൂള്‍ അടച്ച ശേഷം പൂട്ടുമെങ്കിലും മതിലിന് ഉയരക്കുറവായതിനാല്‍ അക്രമികള്‍ക്ക് സ്‌കൂള്‍ വളപ്പില്‍ പ്രവേശിക്കാന്‍ സാധിക്കും. സ്‌കൂള്‍ മതില്‍ ഉയര്‍ത്തുവാന്‍ പഞ്ചായത്ത് എസ്റ്റിമേറ്റ് എടുത്ത് പോയെങ്കിലും നടപടിയുണ്ടായില്ല.
പ്രതികരിക്കാൻ ഇവിടെ എഴുതുക: