ആലപ്പുഴ: സനാതനധര്‍മ്മ കോളേജ് എന്‍സിസി യൂണിറ്റ് 60-ാം പിറന്നാള്‍ ആഘോഷിക്കുന്നു. ആഘോഷ പരിപാടികള്‍ മാര്‍ച്ച് 22ന് മന്ത്രി രമേശ് ചെന്നിത്തല ഉദ്ഘാടനം ചെയ്യും. ജി. സുധാകരന്‍ എംഎല്‍എ അദ്ധ്യക്ഷത വഹിക്കും. പരിപാടികള്‍ക്ക് മുന്നോടിയായി രാവിലെ ഒമ്പതിന് സനാതന ധര്‍മ്മ വിദ്യാശാലയുടെ അങ്കണത്തില്‍ നിന്നാരംഭിക്കുന്ന ബൈക്ക് റാലി കെ.സി. വേണുഗോപാല്‍ എംപി ഫ്‌ളാഗ് ഓഫ് ചെയ്യും. എസ്ഡിവി മാനേജ്‌മെന്റ് കമ്മറ്റി അംഗം എസ്. മഹാദേവന്‍ അദ്ധ്യക്ഷത വഹിക്കും. 10.30ന് കോളേജ് ഓഡിറ്റോറിയത്തില്‍ നടക്കുന്ന എന്‍സിസി എക്‌സിബിഷന്‍ കോളേജ് മാനേജര്‍ ജെ. കൃഷ്ണന്‍ ഉദ്ഘാടനം ചെയ്യും. കേരള ലക്ഷദ്വീപ് ഡിഡിജി എന്‍സിസി ബ്രിഗേഡിയര്‍ എന്‍. സനല്‍കുമാര്‍ എന്‍സിസി സ്മരണിക ‘സ്മൃതിപഥി’ന്റെ പ്രകാശനം നിര്‍വഹിക്കും. കൊല്ലം ഗ്രൂപ്പ് കമാന്‍ഡര്‍ ബ്രിഗേഡിയര്‍ ബോണി മാത്യു ഏറ്റുവാങ്ങും.
കോളേജ് പ്രിന്‍സിപ്പല്‍ പ്രൊഫ. ആര്‍. ഗീതാകൃഷ്ണ പൈ, വൈസ് പ്രിന്‍സിപ്പല്‍ ഡോ. എല്‍. ഉഷാകുമാരി, 11 കേരള ബറ്റാലിയന്‍ ഓഫീസര്‍ കമാന്‍ഡിങ് കേണല്‍ ജസ്ബീര്‍ സിങ്, കേണല്‍ രവിനായര്‍, മുന്‍ എന്‍സിസി ഓഫീസര്‍മാരായ ഡോ. ആര്‍. ഉണ്ണികൃഷ്ണന്‍, ഡോ. കെ.ആര്‍. ആശാലത, ബാലസാഹിത്യ ഇന്‍സ്റ്റിറ്റ്യൂട്ട് ഡയറക്ടര്‍ ഡോ. എസ്. നെടുമുടി ഹരികുമാര്‍, കേരള യൂണിവേഴ്‌സിറ്റി സെനറ്റ് അംഗം ഡോ. പി. സുനില്‍കുമാര്‍ തുടങ്ങിയവര്‍ പങ്കെടുക്കും. ഈ വര്‍ഷം റിപ്പബ്ലിക് ദിന പരേഡില്‍ പങ്കെടുത്ത നന്ദിതയെ അനുമോദിക്കും. എസ്ഡി കോളേജിലെ എല്ലാ മുന്‍ എന്‍സിസി കേഡറ്റുകളും യോഗത്തില്‍ പങ്കെടുക്കണമെന്ന് എന്‍സിസി ഓഫീസര്‍മാരായ ലഫ്. ഡോ. കെ. നാരായണന്‍, ലഫ്. വി. അനുപമ എന്നിവര്‍ അറിയിച്ചു. ഫോണ്‍: 9446414238, 9495505354.
പ്രതികരിക്കാൻ ഇവിടെ എഴുതുക: