പൂച്ചാക്കല്‍: കയര്‍ കമ്പനിയിലെ കമ്പ്യുട്ടര്‍ മോഷണം പോയി. പാണാവള്ളി കുഞ്ചരത്ത് ജങ്ഷനു സമീപം പ്രവര്‍ത്തിക്കുന്ന രാജുവിന്റെ ഉടമസ്ഥതയിലുള്ള പോള്‍സണ്‍ കയര്‍ കമ്പനിയില്‍ നിന്നാണ് കഴിഞ്ഞ രാത്രിയില്‍ കമ്പ്യുട്ടറും അനുബന്ധ ഉപകരണങ്ങളും മോഷണം പോയത്. ഓടിട്ട കെട്ടിടത്തിന്റെ മുകള്‍ഭാഗത്തുള്ള ഓട് ഇളക്കിമാറ്റിയ ശേഷം ആഞ്ഞിലിപ്പലക കൊണ്ട് നിര്‍മ്മിച്ച മച്ചിന്റെ ഭാഗം അറുത്തുമാറ്റിയാണ് മോഷ്ടാവ് അകത്തുകടന്നത്. ഓഫീസിനുള്ളിലുണ്ടായിരുന്ന കമ്പ്യുട്ടര്‍ മാത്രമാണ് മോഷണം പോയിട്ടുള്ളൂ. മേശയും അലമാരയും കുത്തിത്തുറക്കാന്‍ ശ്രമം നടത്തിയിട്ടുണ്ട്. കഴിഞ്ഞ വര്‍ഷം മാര്‍ച്ച് മാസത്തില്‍ ഈ ഓഫീസില്‍ നിന്ന് ഒരു കംപ്യുട്ടര്‍ മോഷണം പോയിരുന്നു. വര്‍ഷങ്ങള്‍ക്ക് മുന്‍പ് തൈക്കാട്ടുശേരി ബ്ലോക്ക് പഞ്ചായത്തില്‍ നിന്ന് ഇതുപോലെ കമ്പ്യുട്ടറും അനുബന്ധ ഉപകരണങ്ങളും മോഷണം പോയിരുന്നു. പൂച്ചാക്കല്‍ പോലീസ് സ്‌റ്റേഷനു സമീപത്തുതന്നെ മോഷണം വ്യാപകമാകുന്നതിനാല്‍ പ്രതിഷേധം ശക്തമാകുന്നുണ്ട്.
Saturday, November 16, 2024
കയര്‍ കമ്പനിയിലെ കമ്പ്യൂട്ടര്‍ മോഷണം പോയി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: