പാലാ: വില്‍ക്കുവാനായി കാറില്‍ കൊണ്ടുവരികയായിരുന്ന ഒന്നേമുക്കാല്‍ കിലോ കഞ്ചാവ് പോലീസ് പിടിച്ചെടുത്തു. രണ്ടുപേര്‍ പിടിയിലായി. ഇടമറ്റം പടിപ്പുരയ്‌ക്കല്‍ പി ജെ മാത്യു(56), കിഴപറയാര്‍ മാന്നാട്ട് പയസ് മാത്യു(47) എന്നിവരാണ് അറസ്റ്റിലായത്. തമിഴ്്‌നാട്ടിലെ തേനിയില്‍ നിന്ന് കാറില്‍ കഞ്ചാവ് പാലായിലെ ചില്ലറ വില്പനക്കാര്‍ക്ക് വിതരണത്തിനായി കൊണ്ടുവരുമ്പോള്‍ പന്ത്രാം മൈലിനു സമീപം പോലീസ് പിടികൂടുകയായിരുന്നു.
നാട്ടില്‍ റിയല്‍ എസ്റ്റേറ്റ്്് ഇടപാടുകള്‍ നടത്തിയിരുന്ന പ്രതികളിലൊരാള്‍ കുമളിയില്‍ ഏലത്തോട്ടം പാട്ടത്തിനെടുത്ത് കൃഷി ചെയ്യുകയായിരുന്നു. ഇവിടെയെത്തുന്ന തമി്‌ഴ്‌നാട് സ്വദേശികളാണ് കഞ്ചാവ് ലഭിക്കുന്നതിന് ഇടനിലക്കാരായി പ്രവര്‍ത്തിച്ചതെന്ന് പോലീസ് പറഞ്ഞു. പാലാ ഡിവൈഎസ് പി സുനീഷ് ബാബുവിന് ലഭിച്ച രഹസ്യ നിര്‍ദേശത്തിന്റെ അടിസഥാനത്തിലാണ് പ്രതികളെ പിടികൂടിയത്.
പ്രതികരിക്കാൻ ഇവിടെ എഴുതുക: