ആലപ്പുഴ: ക്വട്ടേഷന്‍ സംഘങ്ങളുടെ ചേരിതിരിഞ്ഞുളള സംഘട്ടനത്തെ തുടര്‍ന്ന് ആറുപേര്‍ക്കു പരിക്കേറ്റു. ക്വട്ടേഷന്‍ തലവനായ കരുവാറ്റ ഉല്ലാസ് (27), ഇയാളുടെ സുഹൃത്തുക്കളായ ആല്‍ത്തറ വടക്കേതില്‍ സുധീഷ് (24), അരുണ്‍ (20) ഇവരുടെ വെട്ടേറ്റ മറ്റൊരു ക്വട്ടേഷന്‍ സംഘത്തിലെ അംഗങ്ങളായ കരുവാറ്റ ഒരു വട്ടം പറമ്പ് വീട്ടില്‍ നിശാന്ത് (19), തൈപറമ്പില്‍ ഗോപിഷ് (22), കരുവാറ്റ വിഷ്ണുഭവനത്തില്‍ ജിഷ്ണു (20) എന്നിവരെയാണ് വണ്ടാനം മെഡിക്കല്‍ കോളേജാശുപത്രിയിലും, ഗുരുതരാവസ്ഥയെ തുടര്‍ന്ന് സുധീഷിനെയും ഉല്ലാസിനെയും എറണാകുളത്തെ സ്വകാര്യ ആശുപത്രിയിലും പ്രവേശിപ്പിച്ചത്.
കഴിഞ്ഞദിവസം രാത്രി പതിനൊന്നോടെ കരുവാറ്റ കുളങ്ങരക്ഷേത്രത്തിലെ ഉത്സവപറമ്പിലാണ് ഈ ക്വട്ടേഷന്‍ സംഘങ്ങള്‍ തമ്മില്‍ സംഘര്‍ഷം ഉണ്ടായത്. ഇവര്‍ മറ്റു പല കേസുകളിലും പ്രതികളാണ്. ഇവര്‍ക്കെതിരെ ഹരിപ്പാട് എസ്‌ഐ: എം.കെ. രമേഷിന്റെ നേതൃത്വത്തില്‍ കേസെടുത്ത് അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക: