പോലീസുകാരന്റെ ബൈക്ക് നശിപ്പിച്ചതായി പരാതി

മാരാരിക്കുളം: കഞ്ചാവു കേസിലെ പ്രതി പോലീസുകാരന്റെ ബൈക്ക് നശിപ്പിച്ചതായി പരാതി. സംഭവവുമായി ബന്ധപ്പെട്ട് യുവാവിനെ മണ്ണഞ്ചേരി പോലീസ് കസ്റ്റഡിയിലെടുത്തു. ശനിയാഴ്ച ഉച്ചയ്‌ക്കാണ് സംഭവം. മണ്ണഞ്ചേരി 13-ാം വാര്‍ഡ് കുന്നേവെളി പ്രണവാ (24)ണ് പോലീസ് പിടിയിലായത്. ആലപ്പുഴ പോലീസ് ഡോഗ് സ്‌ക്വാഡിലെ പോലീസുകാരനായ മാരാരിക്കുളം തെക്ക് പഞ്ചായത്ത് എട്ടാം വാര്‍ഡ് ആഗേഷിന്റെ ബൈക്കാണ് പ്രണവ് സീറ്റ് കവര്‍ കുത്തിക്കീറി നശിപ്പിച്ചത്. കഞ്ചാവു വില്‍പനയെ ചോദ്യം ചെയ്തതാണ് വൈരാഗ്യത്തിന് കാരണമെന്ന് പറയപ്പെടുന്നു.