പാലാ: ശ്രീ എം നയിക്കുന്ന പ്രത്യാശയുടെ പദയാത്രയ്‌ക്ക് പാലായില്‍ ഇന്ന് സ്വീകരണം നല്‍കും. രാവിലെ ഇടമറ്റത്തു നിന്ന് പദയാത്രആരംഭിക്കും. 6ന് ഭരണങ്ങാനത്ത് സ്വീകരണം നല്‍കും.
പഞ്ചായത്ത് പ്രസിഡന്റ് റോസിലി സിറിയക്കിന്റെ നേതൃത്വത്തില്‍ സ്വീകരിക്കും. ജോയി എബ്രഹാം എംപി സംസാരിക്കും. ഭരണങ്ങാനം സെന്റ് മേരീസ് പള്ളി, അല്‍ഫോണ്‍സാ പള്ളി, ഇടപ്പാടി ആനന്ദഷണ്മുഖ ക്ഷേത്രം എന്നിവിടങ്ങള്‍ സന്ദര്‍ശിച്ച് 9ന് കൊട്ടാരമറ്റത്തെത്തും. കൊട്ടാരമറ്റത്ത് പാലാ മുനിസിപ്പല്‍ ചെയര്‍മാന്‍ കുര്യാക്കോസ് പടവന്‍, വൈസ് ചെയര്‍പേഴ്‌സണ്‍ ഡോ. ചന്ദ്രികാദേവി, ജോര്‍ജ് സി. കാപ്പന്‍, അരുണാപുരം ശ്രീരാമകൃഷ്ണ മഠാധിപതി സ്വാമി വാമദേവാനന്ദ മഹരാജ് എന്നിവര്‍ സ്വീകരിക്കും. കടപ്പാട്ടൂര്‍ മഹാദേവക്ഷത്രം സന്ദര്‍ശിച്ച് കിടങ്ങൂര്‍ പികെവി ലൈബ്രറിയില്‍വിശ്രമിക്കും. വൈകിട്ട് 5.30ന് കിടങ്ങൂര്‍ എല്‍പിബി സ്‌കൂളില്‍ സത്സംഗം നടത്തും. പരിപാടികള്‍ക്ക് കോട്ടയം മെഡിക്കല്‍ കോളേജ് കാര്‍ഡിയോ തൊറാപിക് സര്‍ജന്‍ ഡോ. ടി.കെ. ജയകുമാര്‍, ആന്റോ മാങ്കൂട്ടം, പി.എന്‍. പരമേശ്വരന്‍, ഡോ. ആര്‍. രാധാകൃഷ്ണന്‍ എന്നിവര്‍ നേതൃത്വം നല്‍കും.
പ്രതികരിക്കാൻ ഇവിടെ എഴുതുക: