മട്ടാഞ്ചേരി: ശ്രീ മുല്ലയ്ക്കല് ക്ഷേത്ര കല്യാണമണ്ഡപം ഇന്ന് ദേവിക്ക് സമര്പ്പിക്കും. ഭക്തജനസഹകരണത്തോടെ ക്ഷേത്രസമീപം നിര്മ്മിച്ച മണ്ഡപം രാവിലെ 7.30 ന് ക്ഷേത്രം മേല്ശാന്തി എസ്. വെങ്കടേശ്വരഭട്ട് ഉദ്ഘാടനം ചെയ്യും. പാലുകാച്ചല് ചടങ്ങ് സോനല് എം. ജോഷി നിര്വഹിക്കും. രണ്ടുനിലകളിലായി ആധുനിക സൗകര്യത്തോടെയാണ് കല്യാണമണ്ഡപ നിര്മാണം പൂര്ത്തീകരിക്കുന്നത്.
ഉദ്ഘാടനത്തിന് മുന്നോടിയായി രാവിലെ 7 ന് ക്ഷേത്രത്തില് മണ്ഡപസമര്പ്പണ സങ്കല്പപൂജയും തുടര്ന്ന് ഭജന സംഗീതേഘാഷയാത്രയുമുണ്ടാകും.
ഉദ്ഘാടനച്ചടങ്ങിനോടനുബന്ധിച്ച് രാവിലെ 8 ന് നടക്കുന്ന പൊതുയോഗം മുഖ്യാതിഥി ആര്. പ്രകാശ് ഉദ്ഘാടനംചെയ്യും. ജിസിഡിഎ ചെയര്മാന് എന്. വേണുഗോപാല് മുഖ്യപ്രഭാഷണം നടത്തും. ഭക്തജനസമിതി പ്രസിഡന്റ് ടി.വി. ഗോപാലകൃഷ്ണന് അധ്യക്ഷത വഹിക്കും. ചടങ്ങില് പി.എ. വിവേകാനന്ദപൈ, ജോസണ് ടി.ആര്, ജോണി എന്നിവരെ ആദരിക്കും. കൗണ്സിലര് ശ്യാമളപ്രഭു, കണ്വീനര് എം. മോഹന്കുമാര്, സെക്രട്ടറി പ്രദീപ് കമ്മത്ത് തുടങ്ങിയവര് സംസാരിക്കും. തുടര്ന്ന് സത്യനാരായണപൂജ, പ്രസാദ ഊട്ട്, വൈകിട്ട് ഭഗവതിസേവ എന്നിവയും നടക്കും.
പ്രതികരിക്കാൻ ഇവിടെ എഴുതുക: