ചക്കുവരയ്‌ക്കല്‍: ചക്കുവരയ്‌ക്കല്‍ ശ്രീഭുവനേശ്വരി ദേവീ ക്ഷേത്രത്തിലെ ഉത്സവ ഘോഷയാത്രയ്‌ക്കിടെ ഫ്‌ളോട്ടിന് തീപിടിച്ചു. ക്ഷേത്രത്തിന് മുന്നില്‍ വൈദ്യുതി ലൈനില്‍ തട്ടി വാഹനത്തോടെ കത്തുകയായിരുന്നു
ചൊവ്വാഴ്‌ച്ച വൈകിട്ട് നാലുമണിയോടെ ആയിരുന്നു സംഭവം ക്ഷേത്രത്തില്‍ നിന്നും ഘോഷയാത്ര ആരംഭിച്ച ഉടനെയാണ് ഫ്‌ളോട്ട് കത്തിയത്. നാട്ടുകാരുടെ സമയോചിതമായ ഇടപെടല്‍ കാരണം വന്‍ ദുരന്തം ഒഴിവായി. കുട്ടികളടക്കം നുറുകണക്കിന് ആള്‍ക്കാര്‍ സംഭവസ്ഥലത്ത് ഉണ്ടായിരുന്നു. ആളപായം ഇല്ല. കൊട്ടാരക്കരയില്‍ നിന്നും അഗ്‌നിശമനസേന എത്തിയാണ് തീ പൂര്‍ണമായും അണച്ചത്. മുഖത്തലയില്‍ നിന്നും എത്തിച്ച ദുര്‍ഗാദേവിയുടെ ഫ്‌ളോട്ട് ആണ് നശിച്ചത്. ലക്ഷക്കണക്കിന് രൂപയുടെ നഷ്ടമുണ്ടായതായി കണക്കാക്കുന്നു.
പ്രതികരിക്കാൻ ഇവിടെ എഴുതുക: