പന്നയ്‌ക്കാട്ട് ദേവീക്ഷേത്രത്തില്‍ തിരുവോണ മഹോത്സവം

പരവൂര്‍: കുറുമണ്ടല്‍ പന്നയ്‌ക്കാട്ട് ദേവീക്ഷേത്രത്തിലെ തിരുവോണ മഹോത്സവം നാളെ തുടങ്ങി 21ന് സമാപിക്കും. നാളെ രാവിലെ അഷ്ടദ്രവ്യഗണപതിഹോമവും മൃത്യുഞ്ജയഹോമവും കഴിഞ്ഞ് 8ന് ഭാഗവതപാരായണവും വൈകിട്ട് 6.50ന് ദീപക്കാഴ്ചയും 7.30ന് തൃക്കൊടിയേറ്റും വെടിക്കെട്ടും നടക്കും.

20ന് ക്ഷേത്രാചാരച്ചടങ്ങുകളും ഭാഗവതപാരായണവും വൈകിട്ട് ദീപക്കാഴ്ചയും വെടിക്കെട്ടും. 21ന് രാവിലെ 7.30ന് സമൂഹ പൊങ്കാലയും 8.30ന് നാഗര്‍ക്ക് നൂറുംപാലും ഊട്ടും പുള്ളുവന്‍പാട്ടും 12.30ന് തിരുനാള്‍ സദ്യയും. 8.30ന് എറണാകുളം ചൈത്രതാര തിയേറ്റേഴ്‌സിന്റെ യക്ഷിനാടകം. 11ന് വിളക്കും 11.45ന് കൊടിയിറക്കും വെടിക്കെട്ടും നടക്കും.