ചോറ്റി ശിവക്ഷേത്രത്തില്‍ നിന്നും ഇരുമുടി കെട്ടു നിറച്ച് വിവേക് ഒബ്രോയ്

മുണ്ടക്കയം: ഹിന്ദി ചലച്ചിത്രതാരം വിവേക് ഒബ്രോയ് ചോറ്റി ശിവക്ഷേത്രത്തില്‍ നിന്നും ഇരുമുടി കെട്ടു നിറച്ചു ശബരിമലയാത്രയായി. ഇന്നലെ രാവിലെ 10മണിയോടെ ക്ഷേത്രത്തിലെത്തിയ താരം സുഹൃത്തുക്കളായ ഏഴംഗസംഘത്തിനൊപ്പമാണ് കെട്ടു നിറച്ചത്..ചൊവ്വാഴ്ച വൈകിട്ട് മൂന്നുമണിയോടെ മുണ്ടക്കയത്ത് എത്തിയ ഒബ്രോയ് സുഹൃത്തിന്റെ വീട്ടില്‍ താമസിച്ച ശേഷമാണ് ഇന്നലെ ക്ഷേത്രത്തിലെത്തിയത്. ഒബ്രോയ് ഇതു മൂന്നാം തവണയാണ് ചോറ്റി ക്ഷേത്രത്തില്‍ നിന്നും കെട്ടുനിറക്കുന്നത്. തിരക്കൊഴിവാക്കുന്നതിനും ശിവക്ഷേത്രമായതിനാലുമാണ് ഇവിടെ എത്തിയതെന്ന് ഒബ്രോയ് മാധ്യമപ്രവര്‍ത്തകരോടു പറഞ്ഞു.