കൊച്ചി: താജ് എക്‌സ്‌പോ ഇന്നുമുതല്‍ കൊച്ചി മറൈന്‍ഡ്രൈവില്‍. ബാംഗ്ലൂരിലെ പ്രശസ്ത അമ്യൂസ്‌മെന്റ് പാര്‍ക്കായ ഫണ്‍വേള്‍ഡ് അണിയിച്ചൊരുക്കുന്ന ഷോപ്പിംഗ്, അമ്യൂസ്‌മെന്റ് എക്‌സിബിഷന്റെ ഏറ്റവും വലിയ ആകര്‍ഷണം താജ്മഹലിന്റെ പൂര്‍ണവലിപ്പത്തിലുള്ള തനിപ്പകര്‍പ്പാണ്. എക്‌സ്‌പോയില്‍ വീട്ടുപകരണങ്ങള്‍ മുതല്‍ വാഹനങ്ങള്‍ വരെയുള്ള ഉല്‍പ്പന്നങ്ങളുടെ സ്റ്റാളുകളും വിപുലമായ ഫുഡ്‌കോര്‍ട്ടും വിദേശ രാജ്യങ്ങളില്‍ പ്രസിദ്ധിയാര്‍ജിച്ച ഫണ്‍റൈഡുകളും സജ്ജീകരിച്ചിരിക്കുന്നു.
മന്ത്രി മഞ്ഞളാംകുഴി അലി മറൈന്‍ഡ്രൈവ് ഗ്രൗണ്ടില്‍ ഇന്ന് 6.15 ന് ഉദ്ഘാടനം നിര്‍വഹിക്കുന്ന എക്‌സ്‌പോ ഫെബ്രുവരി 10 വരെ നീളും. നാടന്‍ ഉള്‍പ്പെടെയുള്ള വിഭവങ്ങള്‍ നിരക്കുന്ന ഭക്ഷ്യവിപണന സ്റ്റാള്‍ നഗരവാസികള്‍ക്ക് പുതുരുചികള്‍ തുറന്നുകൊടുക്കും.
പ്രതികരിക്കാൻ ഇവിടെ എഴുതുക: