ആലുവ: സ്ത്രീധനം ആവശ്യപ്പെട്ട് ഭര്‍ത്താവിന്റെയും ഭര്‍തൃമാതാവിന്റെയും ശാരീരികവും മാനസികവുമായ നിരന്തര പീഡനത്തെ തുടര്‍ന്ന് യുവതി രണ്ട് പിഞ്ചുമക്കളുമായി വീട് വിട്ടു. കോട്ടയം ജില്ലയിലെ തലയോലപറമ്പ് വരിക്കാംകുന്ന് കീച്ചകേരില്‍ വീട്ടില്‍ സുഭാഷിന്റെ ഭാര്യ അമ്പിളിയാണ് മക്കളായ മാധവി, മാളവിക എന്നിവരേയുംകൊണ്ട് വീടുവിട്ടിറങ്ങി ജനസേവയിലെത്തിയത്.
വിവാഹത്തിന് മുമ്പ് അപകടത്തെ തുടര്‍ന്ന് ഒരു കൈ നഷ്ടപ്പെട്ട സുഭാഷും അമ്മയും സ്ത്രീധനമാവശ്യപ്പെട്ട് ക്രൂരമായി പീഡിപ്പിച്ചിരുന്നതായി യുവതി പറഞ്ഞു. കൂലിപ്പണിക്കാരനായ സുഭാഷ് മദ്യപിച്ചെത്തി ക്രൂരമായി മര്‍ദ്ദിക്കുകയും വീട്ടില്‍നിന്നും ഇറങ്ങിപോകാന്‍ ആവശ്യപ്പെടുകയും ഉണ്ടായി. ഗത്യന്തരമില്ലായാണ് കുട്ടികളെയുംകൊണ്ട് വീട് വിട്ടിറങ്ങിയതെന്ന് യുവതി വ്യക്തമാക്കി.
ആരോഗ്യസ്ഥിതി മോശമായതിനാല്‍ ജനസേവ അതികൃതര്‍ അമ്പിളിയെയും മക്കളായ മൂന്ന് വയസ്സുകാരി മാധവിയെയും അറ് മാസം പ്രായമുള്ള മാളവികയെയും ചികിത്സയ്‌ക്കായി ആലുവ അന്‍വര്‍ മെമ്മോറിയല്‍ ആശുപത്രിയില്‍ പ്രവേശിപ്പിച്ചു.
പ്രതികരിക്കാൻ ഇവിടെ എഴുതുക: