തലയോലപ്പറമ്പ്: കയറ്റം കയറുന്നതിനിടയില്‍ കെഎസ്ആര്‍ടിസി ബസ് പിന്നോട്ടുരുണ്ട് വാഹനങ്ങളുടെ കൂട്ടയിടി. മൂന്നുകാറും ബസും വൈക്കുമാണ് അപകടത്തില്‍പ്പെട്ടത്. അപകടത്തില്‍ പരിക്കേറ്റ ബൈക്ക് യാത്രികന്‍ തലയോലപ്പറമ്പ് വാര്യത്ത് കാലായില്‍ ആല്‍ബര്‍ട്ട് (35), മകന്‍ ആല്‍ബിന്‍ (5) എന്നിവരെ സ്വകാര്യ ആശുപത്രിയില്‍ പ്രവേശിപ്പിച്ചു. ഇന്നലെ വൈകുന്നേരം 6.30ഓടെ തലയോലപ്പറമ്പ് സിലോണ്‍ കവലയില്‍ കെഎസ്ഇബി ഓഫീസിനു സമീപത്താണ് അപകടം. കോട്ടയത്തുനിന്നും എറണാകുളത്തേക്ക് പോകുകയായിരുന്ന കെഎസ്ആര്‍ടിസി വേണാട് ബസാണ് റോഡിലെ കയറ്റം കയറുന്നതിനിടയില്‍ കയറ്റം വലിക്കാതെ പിന്നോട്ട് ഇരുണ്ട് പിറകെവന്ന കാറുകളില്‍ ഇടിക്കുകയായിരുന്നു. വന്‍ തിരക്കുള്ള റോഡില്‍ നിയന്ത്രണം വിട്ട ബസ് റോഡില്‍ വട്ടം തിരിഞ്ഞ് മതിലില്‍ ഇടിച്ചുനിന്നതുകൊണ്ട് വന്‍ ദുരന്തം ഒഴിവായി.
Thursday, November 7, 2024
കെഎസ്ആര്‍ടിസി പിന്നോട്ടുരുണ്ട്; തലയോലപ്പറമ്പില്‍ വാഹനങ്ങളുടെ കൂട്ടയിടി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: