മാവേലിക്കര: അബ്കാരി കേസുകളിലെ പിടികിട്ടാപ്പുള്ളിയെ മാവേലിക്കര എക്‌സൈസ് പിടികൂടി. നിരവധി അബ്കാരി കേസുകളില്‍ പ്രതിയായ വരേണിക്കല്‍ എല്‍ഐസി കോളനിയില്‍ ശ്രീകുമാറാണ് പിയിയിലായത്. മാവേലിക്കര എക്‌സൈസ് റേഞ്ച്ഓഫീസിലെ മൂന്നു കേസുകളിലെ പ്രതിയായ ഇയാള്‍ കോളനിപ്രദേശത്ത് മദ്യക്കച്ചവടം നടത്തിവരുകയായിരുന്നു. പിടികൂടാനായി ചെല്ലുമ്പോള്‍ കോളനിയിലെ സാമൂഹ്യവിരുദ്ധരെ കൂട്ടുപിടിച്ച് രക്ഷപെടുകയാണ് പതിവ്. അതിസാഹസികമായാണ് എക്‌സൈസ് സംഘം ഇയാളെ പിടികൂടിയത്. മാവേലിക്കര എക്‌സൈസ് റേഞ്ച് ഇന്‍സ്‌പെക്ടര്‍ എം. മഹേഷ്, അസി. എക്‌സൈസ് ഇന്‍സ്‌പെക്ടര്‍ കെ. തുളസി, പ്രിവന്റീവ് ഓഫീസര്‍മാരായ ബി.സുനില്‍കുമാര്‍, നോബിള്‍ മാത്യു, സിഇഒമാരായ പി. സജികുമാര്‍, കെ. അനില്‍കുമാര്‍, ഐ. ഷിഹാബ്, കെ. അനി, പി. പ്രവീണ്‍, വരുണ്‍, ജെ. നിര്‍മ്മലന്‍ തമ്പി എന്നിവരടങ്ങുന്ന സംഘമാണ് പ്രതിയെ പിടികൂടിയത്.
Wednesday, November 6, 2024
നിരവധി അബ്കാരി കേസുകളിലെ പിടികിട്ടാപുള്ളി പിടിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: