ഷീല്‍ഡയ്‌ക്ക് അന്താരാഷ്‌ട്ര നിലവാരത്തിലെ സ്‌പൈയ്‌ക്ക് നല്‍കും

മുഹമ്മ: കായിക മേഖലയിലേക്കും സഹായഹസ്തവുമായി സായിമാ ഫൗണ്ടേഷന്‍. നാഷണല്‍ സ്‌കൂള്‍ മീറ്റില്‍ 100, 200 മീറ്റര്‍ ഓട്ടത്തില്‍ സ്വര്‍ണം ഉള്‍പ്പെടെ നിരവധി സമ്മാനങ്ങള്‍ വാരിക്കൂട്ടിയ ഷീല്‍ഡയ്‌ക്ക് അന്താരാഷ്‌ട്ര നിലവാരമുള്ള സ്‌പൈയ്‌ക്ക് സമ്മാനിച്ചാണ് കായികമേളയിലേക്ക് പ്രവേശിക്കുന്നത്. ഡിസംബര്‍ 31ന് വൈകിട്ട് 6.30ന് പൊക്ലാശേരി കൈരളി ഗ്രന്ഥശാലയില്‍ നടക്കുന്ന വോളിബോള്‍ ടൂര്‍ണമെന്റിന്റെ സമാപന സമ്മേളനത്തില്‍ സായിമ ഫൗണ്ടേഷന്‍ സെക്രട്ടറി ലക്ഷ്മി മേനോന്‍ ഷീല്‍ഡയ്‌ക്ക് ചെക്ക് കൈമാറും. ഷീല്‍ഡയുടെ സഹോദരി ഷില്‍ബിക്കും സായിമ ഫൗണ്ടേഷന്‍ സ്‌പൈയ്‌ക്ക് സമ്മാനിക്കും. 2015 മുതല്‍ സംസ്ഥാനത്തെ മികച്ച കായികതാരത്തിനും യുവസാഹിത്യകാരനും 10,001 രൂപയും സ്വര്‍ണമെഡലും ശില്‍പവും പ്രശസ്തിപത്രവും സമ്മാനിക്കുമെന്ന് ഫൗണ്ടേഷന്‍ ചെയര്‍മാന്‍ രവി മേനോന്‍ പറഞ്ഞു.