കൊട്ടാരക്കര: ഷാഡോ പോലിസിന് കാര്‍ യാത്രികരുടെ മര്‍ദ്ദനം. രക്ഷപെടാന്‍ ഒളിച്ച പോലിസുകാരന്റെ വീടിന്റെ കതക് ചവിട്ടിപൊളിച്ചും മര്‍ദ്ദിച്ചു. റൂറല്‍ എസ് പിയുടെ ഷാഡോ സ്‌ക്വാഡിലുള്ള ദിലീപ് കൃഷ്ണന്‍ (36), സുബാഷ് (35) എന്നിവര്‍ക്കാണ് മര്‍ദ്ദനമേറ്റത്. ഞായറാഴ്ചയാണ് സംഭവം.
ഗോവിന്ദമംഗലം റോഡില്‍ വെങ്കലം ഭാഗത്ത് വച്ച് കാറിനെ മറികടന്ന് ബൈക്ക് നിര്‍ത്തി കാറിന്റ ഫോട്ടോ എടുക്കുകയും നമ്പര്‍ കുറിച്ചെടുക്കുക്കയും ചെയ്‌തോടെ കാറിലുള്ളവര്‍ ഇതിനെ ചോദ്യം ചെയ്തു. ഇത് കയ്യാങ്കളിയില്‍ കലാശിച്ചു. പരാജയം നേരിട്ട പോലീസുകാര്‍ രക്ഷപെടാന്‍ വേണ്ടി അടുത്തുള്ള വീട്ടില്‍ ഓടി കയറി കതക് അടച്ചു.
പിറകെ എത്തിയ സംഘം വീടിന്റ കതക് തല്ലിപൊളിച്ച് അകത്ത് കടന്നും മര്‍ദ്ദനം തുടര്‍ന്നു. മന്മഥന്‍ എന്ന പോലീസുകാരന്റ വീടായിരുന്നു ഇത്. പിന്നീട് പോലീസ് എത്തി ഇവരെ താലുക്കാശുപത്രിയില്‍ പ്രവേശിപ്പിച്ചു. പോലീസുകാരന്റ വീടാക്രമിച്ചതിനും, പോലിസുകാരെ മര്‍ദ്ദിച്ചതിനും പ്രതികള്‍ക്കെതിരം ജാമ്യമില്ലാ വകൂപ്പ് പ്രകാരം കേസെടുത്തിട്ടുണ്ട്.
പ്രതികരിക്കാൻ ഇവിടെ എഴുതുക: