ന്യൂദല്‍ഹി: എന്‍എസ്എസ് ദല്‍ഹി മയൂര്‍വിഹാര്‍ ഫേസ്-3 കരയോഗം എന്‍എസ്എസിന്റെ നൂറാം വാര്‍ഷികാഘോഷങ്ങളുടെ ഭാഗമായി ഏര്‍പ്പെടുത്തിയ അവാര്‍ഡ് കുരുക്ഷേത്ര പ്രകാശന്‍ പ്രസിദ്ധീകരിച്ച ബുക്കിന് ലഭിച്ചു.
പ്രൊഫ.ഗീതാലയം ഗീതാകൃഷ്ണന് രചിച്ച മഹാനായ മന്നത്തു പത്മനാഭന്‍-കാലത്തിനു മുമ്പേ നടന്ന കര്‍മ്മകാരന്‍ എന്ന പുസ്തകത്തിനാണ് പുരസ്‌ക്കാരം.
10,0001 രൂപയും പ്രശസ്തിപത്രവും അടങ്ങുന്ന അവാര്‍ഡ് 138-ാമത് മന്നം ജയന്തി ആഘോഷങ്ങളോടനുബന്ധിച്ച് ജനുവരി11ന് 4മണിക്ക് എംസിഡി കമ്യൂണിറ്റി സെന്ററില്‍ നടക്കുന്ന ചടങ്ങില്‍ പ്രൊഫ. ഗീതാലയം ഗീതാകൃഷ്ണന് നല്‍കും.
കരയോഗം പ്രസിഡന്റ് പി.ആര്‍ ദേവരാജ് അദ്ധ്യക്ഷത വഹിക്കുന്ന ചടങ്ങില്‍ സെക്രട്ടറി കെ. ദേവരാജന്‍, എസ്.മുരളീധരന്‍ എന്നിവര്‍ പ്രസംഗിക്കും.
പ്രതികരിക്കാൻ ഇവിടെ എഴുതുക: