കോട്ടയം: സംസ്ഥാന സര്‍ക്കാരിന്റെ 2013-ലെ മാധ്യമ അവാര്‍ഡുകള്‍ 23ന് ഉച്ചകഴിഞ്ഞ് രണ്ടിന് കോട്ടയം ഡി.സി ഓഡിറ്റോറിയത്തില്‍ മുഖ്യമന്ത്രി ഉമ്മന്‍ ചാണ്ടി വിതരണം ചെയ്യും. ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പ് മന്ത്രി കെ.സി. ജോസഫ് അധ്യക്ഷത വഹിക്കും. ധനകാര്യ വകുപ്പ് മന്ത്രി കെ.എം. മാണി മുഖ്യപ്രഭാഷണം നടത്തും. വനം-ഗതാഗത വകുപ്പ് മന്ത്രി തിരുവഞ്ചൂര്‍ രാധാകൃഷ്ണന്‍ സ്മരണിക പ്രകാശനം ചെയ്യും. ചീഫ് വിപ്പ് പി.സി. ജോര്‍ജ് വിശിഷ്ടാതിഥിയായിരിക്കും.
ജോസ് കെ. മാണി എം.പി, എം.എല്‍.എമാരായ സി.എഫ്. തോമസ്, മോന്‍സ് ജോസഫ്, ഡോ. എന്‍. ജയരാജ്, കെ. സുരേഷ് കുറുപ്പ്, കെ. അജിത്, ജില്ലാ പഞ്ചായത്ത് പ്രസിഡന്റ് നിര്‍മ്മല ജിമ്മി, ജില്ലാ കളക്ടര്‍ അജിത് കുമാര്‍, തദ്ദേശ സ്വയംഭരണസ്ഥാപന പ്രതിനിധികള്‍, കേരള മീഡിയ അക്കാഡമി വൈസ് ചെയര്‍മാന്‍ കെ.സി. രാജഗോപാല്‍, ഐ.&പി.ആര്‍.ഡി അഡീഷണല്‍ ഡയറക്ടര്‍ സി. രമേശ് കുമാര്‍, കേരള പത്രപ്രവര്‍ത്തക യൂണിയന്‍ പ്രസിഡന്റ് കെ. പ്രേംനാഥ്, പ്രസ് ക്ലബ് പ്രസിഡന്റ് എസ്. മനോജ് എന്നിവര്‍ ആശംസ നേരും.
ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പ് ഡയറക്ടര്‍ മിനി ആന്റണി സ്വാഗതവും ഡെപ്യൂട്ടി ഡയറക്ടര്‍ സി.ആര്‍. രാജ്‌മോഹന്‍ നന്ദിയും പറയും.
പ്രതികരിക്കാൻ ഇവിടെ എഴുതുക: