കാഞ്ഞിരപ്പള്ളി: റോഡിലൂടെ നടന്നു വരികയായിരുന്ന സഹോദരിമാരായ വിദ്യാര്‍ത്ഥിനികളെ കയറിപ്പിടിക്കാന്‍ ശ്രമിച്ചയാളും സഹായിയായ ഓട്ടോ ഡ്രൈവറും പിടിയില്‍. പുലിക്കുന്നില്‍ വാടകയ്‌ക്ക് താമസിക്കുന്ന ബെന്നറ്റ് ആന്റണി (30), ഓട്ടോ ഡ്രൈവര്‍ കാഞ്ഞിരപ്പള്ളി കരിമ്പില്‍ നിഷാദ്(30) എന്നിവരെയാണ് കാഞ്ഞിരപ്പള്ളി എസ്‌ഐ ഷിന്റോ പി. കുര്യനും സംഘവും അറസ്റ്റ് ചെയ്തത്. ബെന്നറ്റ് ആന്റണി ഗുണ്ട ലിസ്റ്റില്‍ പേരുള്ളയാളാണെന്ന് എസ്‌ഐ പറഞ്ഞു.
സംഭവത്തെപ്പറ്റി പോലീസ് പറയുന്നതിങ്ങനെ. കഴിഞ്ഞ ഞായറാഴ്ച വൈകിട്ട് 5 മണിയോടെ കാഞ്ഞിരപ്പള്ളി- ഈരാറ്റുപേട്ട റോഡില്‍ കോവില്‍കടവിലെ അമ്മ വീട്ടില്‍ പോയശേഷം അമ്മ ജോലി ചെയ്യുന്ന കടയിലേക്ക് വരികയായിരുന്നു ആറാം ക്ലാസിലും പത്താം ക്ലാസിലും പഠിക്കുന്ന പെണ്‍കുട്ടികള്‍. കോവില്‍കടവ് കവലയിലെത്തിയപ്പോള്‍ നിഷാദിന്റെ ഓട്ടോയിലെത്തിയ ബെന്നറ്റ് ആന്റണി സഹോദരിമാരില്‍ മൂത്തയാളെ കയറി പിടിക്കാന്‍ ശ്രമിച്ചു. ബെന്നറ്റിന്റെ കൈതട്ടി മാറ്റിയ ശേഷം പെണ്‍കുട്ടികള്‍ സഹായത്തിനായി നിലവിളിച്ചു. നിലവിളികേട്ട് നാട്ടുകാര്‍ ഓടിയെത്തിയപ്പോഴേക്കും ഇരുവരും ഓട്ടോയില്‍ കയറി രക്ഷപെട്ടു. പ്രതികള്‍ വന്ന ഓട്ടോയുടെ നമ്പര്‍ സഹോദരിമാര്‍ പോലീസിനെ അറിയിച്ചു. ഓട്ടോയുടെ നമ്പര്‍ അന്വേഷിച്ചാണ് പ്രതികളെ പോലീസ് പിടികൂടിയത്.
പ്രതികരിക്കാൻ ഇവിടെ എഴുതുക: