കരിങ്കുന്നം : കരിങ്കുന്നത്ത് അന്യ സംസ്ഥാന തൊഴിലാളികളുടെ മൊബൈല്‍ ഫോണും പതിനായിരം രൂപയും മോഷ്ടിച്ച സംഭവത്തിലെ രണ്ടാം പ്രതി അറസ്റ്റില്‍. എറണാകുളം പുന്നമറ്റം സ്വദേശി ഷെഫിന്‍ (21) ആണ് പിടിയിലായത്.
ഈ കേസിലെ കൂട്ടുപ്രതി തൊടുപുഴ കുമ്മംകല്ല് സ്വദേശി അമീന്‍ കഴിഞ്ഞ 24ന് കരിങ്കുന്നം പോലീസിന്റെ പിടിയിലായിരുന്നു. കരിങ്കുന്നത്ത് അരുള്‍ ദാസ് എന്നയാള്‍ തൊഴിലാളികള്‍ക്ക് താമസിക്കാന്‍ നല്‍കിയ വാടക വീട്ടില്‍ നിന്നാണ് പ്രതികള്‍ മൊബൈല്‍ ഫോണും പണവും കവര്‍ന്നത്. വീട്ടില്‍ സ്ഥാപിച്ചിരുന്ന സി.സി. ടിവിയില്‍ പ്രതികളുടെ ചിത്രം പോലീസ് കണ്ടെടുത്തു. ഈ ചിത്രം ഉപയോഗിച്ച് നടത്തിയ അന്വേഷണത്തിലാണ് പ്രതികള്‍ പിടിയിലായത്.
ഷെഫിനെതിരെ മുവാറ്റുപുഴ കോടതിയില്‍ കേസ് നിലനില്‍ക്കുന്നുണ്ട്. കഴിഞ്ഞ ദിവസം പിടിയിലായ അമീന്‍ റിമാന്‍ഡിലാണ്.
പ്രതികരിക്കാൻ ഇവിടെ എഴുതുക: