മാഡ്രിഡ്: ക്ലബ്ബ് ഫുട്‌ബോള്‍ ചരിത്രത്തിലെ അത്യപൂര്‍വ്വമായൊരു വിജയരഥത്തിന് തടയിടാന്‍ മലാഗയ്‌ക്കും സാധിച്ചില്ല. സ്പാനിഷ് ലീഗിലെ 13-ാം റൗണ്ടില്‍ 2-1ന് മലാഗയെ മലര്‍ത്തിയടിച്ച റയല്‍ മാഡ്രിഡ് യൂറോപ്യന്‍ കളങ്ങളിലെ 16-ാം തുടര്‍ജയമെന്ന സമ്മോഹനനേട്ടം കുറിച്ചു.
18-ാം മിനിറ്റില്‍ കരീം ബേന്‍സേമയും 83-ാം മിനിറ്റില്‍ ഗാരെത് ബെയ്‌ലും റയലിനുവേണ്ടി വെടിപൊട്ടിച്ചു. ഇഞ്ചുറി ടൈമില്‍ റോക്കി സാന്റാ ക്രൂസ് മലാഗയ്‌ക്ക് ആശ്വാസമരുളി. റയലിന്റെ രണ്ടു ഗോളുകള്‍ക്കും വഴിമരുന്നിട്ട് സൂപ്പര്‍ താരം ക്രിസ്റ്റ്യാനോയും മത്സരം അവിസ്മരണീയമാക്കി. മറ്റൊരു കളിയില്‍ അത്‌ലറ്റിക്കോ മാഡ്രിഡ് 2-0ന് ഡി പോര്‍ട്ടീവോ ലാ കൊരൂണയെ മറികടന്നു. സൗള്‍ (43), അര്‍ധ ടുറാന്‍ (55) എന്നിവര്‍ സ്‌കോറര്‍മാര്‍.
പ്രതികരിക്കാൻ ഇവിടെ എഴുതുക: