നെടുമ്പാശ്ശേരി: അഖില ഭാരത ശ്രീമദ് നാരായണീയ സത്സംഗ സമിതിയുടെ ആഭിമുഖ്യത്തില്‍ ഡിസംബര്‍ 14 ന് തുരുത്തുശ്ശേരി മഹാവിഷ്ണു ക്ഷേത്രത്തില്‍ നാരായണീയ ദിനാഘോഷം സംഘടിപ്പിക്കും. രാവിലെ 6 മുതല്‍ വൈകിട്ട് 6 വരെയാണ് പാരായണം.
അയ്യായിരത്തിലധികം ഭക്തര്‍ നാരായണീയ പാരായണത്തില്‍ പങ്കെടുക്കും. ക്ഷേത്രത്തില്‍ ഇതിനായി 6000 ചതുരശ്ര അടി വിസ്തീര്‍ണ്ണമുള്ള പന്തല്‍ ഒരുക്കിയിട്ടുണ്ട്. വിഷ്ണു സഹസ്രനാമജപം, നാരായണീയ പാരായണം, പ്രഭാഷണങ്ങള്‍, ആചാര്യവന്ദനം എന്നിവയാണ് നാരായണീയ ദിനാഘോഷത്തില്‍ ഉള്‍പ്പെടുത്തിയിട്ടുള്ളത്.
മേല്‍പ്പത്തൂര്‍ നാരായണ ഭട്ടതിരിപ്പാട് 428 വര്‍ഷങ്ങള്‍ക്കു മുന്‍മ്പ് ഗുരുവായൂരപ്പന് എഴുതി സമര്‍പ്പിച്ച 1034 ശ്ലോകങ്ങള്‍ ഉള്‍ക്കൊള്ളുന്ന സംസ്‌കൃത ഭക്തികാവ്യമാണ് നാരായണീയം. നാരായണ ദിനത്തില്‍ പങ്കെടുക്കാന്‍ ആഗ്രഹിക്കുന്നവര്‍ 9947371666, 9746144663,09847505476 എന്നീ നമ്പരുകളില്‍ ബന്ധപ്പെടുക.
പ്രതികരിക്കാൻ ഇവിടെ എഴുതുക: