തൊടുപുഴ: ജില്ലയിലെ പോലീസുകാര്‍ക്ക് വീണ്ടും സ്ഥാനചലനം. രണ്ടാഴ്ച മുന്‍പ് പത്തോളം എസ്.ഐമാരെ എസ്.പി സ്ഥലം മാറ്റിയിരുന്നു. ഇതിന് തൊട്ടുപിന്നാലെയാണ് പൊതുജനപരാതിയെത്തുടര്‍ന്ന് ചില ഉദ്യോഗസ്ഥരെ സ്ഥലം മാറ്റിയിരിക്കുന്നത്. ഇന്നലെ ഇറങ്ങിയ ഉത്തരവ് പ്രകാരം ഉപ്പുതറ എസ്.ഐ ജോസഫിനെ തൊടുപുഴ ട്രാഫിക്കിലേക്ക് സ്ഥലമാറ്റി.
രാജാക്കാട് എസ്.ഐ ആയിരുന്ന ഷാജിയാണ് പുതിയ വാഗമണ്‍ എസ്.ഐ. വണ്ടിപ്പെരിയാര്‍ എസ്.ഐ നാരായണന്‍നായരെ പെരുവന്താനം അഡീഷണല്‍ എസ്.ഐയായി നിയമിച്ചു.
രണ്ടാഴ്ചയായി ഇദ്ദേഹത്തിന് പോസ്റ്റിംങ്ങില്ലായിരുന്നു.വണ്ടന്‍മേട് അഡീഷണല്‍ എസ്.ഐ വിശ്വംഭരനെ കമ്പംമെട്ട് അഡീഷണല്‍ എസ്.ഐയായി നിയമിച്ചു.
മുരിക്കാശേരി എസ്.ഐ ജോസിനെ മാറ്റി. പകരം കരിങ്കുന്നം എസ്.ഐ മുരളീധരന്‍നായരാണ് മുരിക്കാശേരി എസ്.ഐയായി നിയമിച്ചിരിക്കുന്നത്. ജില്ലയിലെ പ്രധാന സ്റ്റേഷനുകളിലെ എസ്.ഐമാരെയും മാറ്റാന്‍ നീക്കം നടത്തുന്നുണ്ട്.
ദേവികുളം എസ്.ഐയായി മണിലാലിനെ നിയമിച്ചു. ദേവികുളം എസ്.ഐ നിസാമിന് പോസ്റ്റിംങ് ലഭിച്ചിട്ടില്ല. നാര്‍ക്കോട്ടിക് സെല്ലിലുണ്ടായിരുന്ന സോള്‍ജിമോനെ അടിമാലി എസ്.ഐയായി നിയമിച്ചു.
കമ്പംമെട്ട് എസ്.ഐ വി.കെ മോഹനനെ സ്‌പെഷ്യല്‍ ബ്രാഞ്ചിലേക്കാണ് നിയമിച്ചിരിക്കുന്നത്. കമ്പംമെട്ട് എസ്.ഐ. ആയി ജില്ലയ്‌ക്ക് പുറത്തുനിന്നുമുള്ള അസീസ് എന്ന ഉദ്യോഗസ്ഥനെ നിയമിച്ചു. വരും ദിവസങ്ങളില്‍ കൂടുതല്‍ എസ്.ഐമാരെ മാറ്റുമെന്നാണ് അറിയുന്നത്.
പ്രതികരിക്കാൻ ഇവിടെ എഴുതുക: