തിരുവനന്തപുരം: പ്രമുഖ ഹോട്ടല്‍ വ്യവസായിയും എസ്എന്‍ ട്രസ്റ്റ്, ആര്‍ഡിസി മുന്‍ ചെയര്‍മാനുമായ ജി.രമേശന്‍ കോണ്‍ട്രാക്ടര്‍ (84) അന്തരിച്ചു. സംസ്കാരം നാളെ രാവിലെ 10 മണിക്ക് ജഗതി അനന്തപുരി ഓഡിറ്റോറിയത്തിന് സമീപത്ത് നടത്തും.
എസ്.എന്‍ ട്രസ്റ്റ് ഡയറക്ടര്‍ ബോര്‍ഡ് സ്ഥിരാംഗമായ രമേശന്‍ കോണ്‍ട്രാക്ടര്‍ സംസ്ഥാന സര്‍ക്കാരിന്റെ മിനിമം വേജസ് കമ്മിറ്റിയിലും പ്രോവി‌ഡന്റ് ഫണ്ട് കമ്മിറ്റി അംഗമായും ഫുഡ് കമ്മിറ്റി അംഗമായും പ്രവര്‍ത്തിച്ചിട്ടുണ്ട്. വന്‍കിട പ്രോജക്ടുകള്‍ ഏറ്റെടുത്ത് യഥാസമയം പൂര്‍ത്തിയാക്കിയതിന് സര്‍ക്കാരില്‍ നിന്ന് സ്വര്‍ണപ്പതക്കം ലഭിച്ചിട്ടുണ്ട്.
ഇന്ദിരാദേവിയാണ് ഭാര്യ. ചിത്ര, മഞ്ജു, ഡോ.ബിനു രമേശ് (കാര്‍ഡിയോളജിസ്റ്റ്), ഡോ.ബിജു രമേശ് (ബാര്‍ ഹോട്ടല്‍ അസോയിയേഷന്‍ വര്‍ക്കിംഗ് പ്രസിഡന്റ്, രാജധാനി ഗ്രൂപ്പ്) എന്നിവരാണ് മക്കള്‍.
പ്രതികരിക്കാൻ ഇവിടെ എഴുതുക: