കൊച്ചി: കൊച്ചിയില്‍ അഭിമാനപ്പോരാട്ടം കാഴ്ചവച്ച് കേരള ബ്ലാസ്‌റ്റേഴ്‌സ് അണികളെ ആവേശഭരിതരാക്കി.
മഞ്ഞക്കടലായി ഒഴുകിയെത്തിയ ആരാധകവൃന്ദത്തെ കളിയുടെ ഓരോ നിമിഷത്തിലും ആര്‍ത്തിരുമ്പുന്ന ആവേശക്കടലാക്കിയാണ് കേരള ബ്ലാസ്റ്റേഴ്‌സും ഗോവ എഫ്‌സിയും തമ്മിലുള്ള മത്സരം ഇന്നലെ നടന്നത്.
സ്വന്തം മണ്ണില്‍ ഗോവ എഫ്‌സിയെ എതിരില്ലാത്ത ഒരു ഗോളിനാണ് കേരള ബ്ലാസ്‌റ്റേഴ്‌സ് തളച്ചത്. കളിയുടെ രണ്ടാം പകുതിയില്‍ 64-ാം മിനിറ്റില്‍ ഗോവക്കാരനായ മിലാഗ്രെസ് ഗോണ്‍സാല്‍വസാണ് കേരള ബ്ലാസ്‌റ്റേഴ്‌സിന്റെ വിജയ ഗോള്‍ സ്വന്തമാക്കിയത്.
ഇദ്ദേഹം തന്നെയാണ് കളിയിലെ കേമനും. ടീം ഉടമ ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കറും ഇന്നലെ കളി കാണാന്‍ ഉണ്ടായിരുന്നു.
പ്രതികരിക്കാൻ ഇവിടെ എഴുതുക: