തൊടുപുഴ : 44ാമത് കേരള പോലീസ് ഗെയിംസിന്റെ ഭാഗമായുള്ള വോളി ബോള്‍ മത്സരങ്ങള്‍ നാളെ മുതല്‍ 9വരെ തിയതികളില്‍ നടക്കുമെന്ന് ജില്ല പോലീസ് സൂപ്രണ്ട് അലക്‌സ് എം വര്‍ക്കി പത്ര സമ്മേളനത്തില്‍ അറിയിച്ചു. കാഞ്ഞാര്‍ ഉദയകുമാര്‍ ഫഌഡ് ലൈറ്റ് സ്റ്റേഡിയത്തിലാണ് മത്സരങ്ങള്‍ നടക്കുന്നത്. 13 പോലീസ് ജില്ലയില്‍ നിന്നായി 21 ടീമുകള്‍ മത്സരത്തില്‍ പങ്കെടുക്കും.
ആറിന് വൈകിട്ട് 4.30ന് വാഗമണ്‍ ജംഗ്ഷനില്‍ നിന്ന് സ്റ്റേഡിയത്തിലേക്ക് ദീപശിഖ പ്രയാണം നടക്കും. തുടര്‍ന്ന നടക്കുന്ന ഉദ്ഘാടന സമ്മേളനം റോഷി അഗസ്റ്റ്യന്‍ എം.എല്‍.എ ഉദ്ഘാടനം ചെയ്യും. റേഞ്ച് ഐ.ജി അജിത്കുമാര്‍, ഇടുക്കി എസ്.പി അലക്‌സ് എം വര്‍ക്കി, എന്നിവര്‍ പ്രസംഗിക്കും. പത്ര സമ്മേളനത്തില്‍ എസ്.പിക്കൊപ്പം തൊടുപുഴ ഡിവൈ.എസ്.പി സാബുമാത്യു, സ്‌പെഷ്യല്‍ ബ്രാഞ്ച് ഡിവൈ.എസ്.പി വി.എന്‍ സജി എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: