ഓട്ടോറിക്ഷ നിയന്ത്രണംവിട്ട് തോട്ടിലേക്ക്

മറിഞ്ഞു; ഡ്രൈവര്‍ അത്ഭുതകരമായി രക്ഷപ്പെട്ടു

കോലാനി : നിയന്ത്രണം വിട്ട ഓട്ടോറിക്ഷ തോട്ടിലേക്ക് മറിഞ്ഞു, ഓട്ടോ ഡ്രൈവര്‍ അത്ഭുതകരമായി രക്ഷപെട്ടു. കോലാനി വാഴക്കാലായില്‍ അജിയുടെ ഓട്ടോ റിക്ഷയാണ് അപകടത്തില്‍പ്പെട്ടത്. ഇന്നലെ ഉച്ചതിരിഞ്ഞ് മൂന്ന് മണിയോടെയായിരുന്നു സംഭവം. തൊടുപുഴ- കൂത്താട്ടുകുളം റൂട്ടില്‍ പഞ്ചവടിപ്പാലത്തിന് സമീപമാണ് അപകടം നടന്നത്. ഓട്ടം പോയതിന് ശേഷം കോലാനിക്ക് മടങ്ങിവരുന്നതിനിടെയാണ് ഓട്ടോ റിക്ഷ ഇരുപത് അടി താഴ്ചയിലേക്ക് മറിഞ്ഞത്. ഓട്ടോ നിയന്ത്രണംവിട്ടതോടെ ഡ്രൈവര്‍ അജി വാഹനത്തില്‍ നിന്നും പുറത്തേയ്‌ക്ക് ചാടി. ഇതിനാല്‍ അപകടം സംഭവിച്ചില്ല. തോട്ടിലേക്ക് ഓട്ടോ റിക്ഷ വീണ ഭാഗത്ത് സാധാരണ ആളുകള്‍ കുളിക്കാറുള്ളതാണ്. അപകടം നടന്ന സമയത്ത് ഇവിടെ ആളുകളില്ലാതിരുന്നതിനാല്‍ ദുരന്തം ഒഴിവായി. ഓട്ടോ പൂര്‍ണ്ണമായും തകര്‍ന്നു.